Valoma 9 سے مشہور بائبلی آیات

شئیر

Neke lino, uNguluvi akumuhaagula umuunu wiimila wa lupyana lwakwe, si wiimila wa mikeelelele enewuli uwupifu wa muunu uyo.

Pakuva amulongiye uMose ukutigila, “Uneene ndikumupyanila umuunu ye ndíkeeliye ukumupyanila, kangi ndikumusungukila umuunu ye ndíkeeliye ukumusungukila.”

Neke kangi ve muunuave, uveeve uli ani uva kwibeedza nu Nguluvi? Ikiviya íkiwumbiilwe kiisunga kimuwuudze umuwufi kitigile, “Kye kiki waambumbile endee?”

Neke lino, uNguluvi akumupyanila umuunu ngita kye iikeela ukumupyanila, kangi umuunu uyungi akumuhambusa ukuvedza munya mabula ngita kye iikeela uNguluvi yumwene.

Umuwufi va fiviya iiwumba ifiviya fivili ukuhuma mu lidope limwinga. Ikiviya kimwinga kivedzage kya malimo ga luginiyo, ni kingi kya malimo agangaya luginiyo. Ndakyene wiidzeela ukutigila, umuwufi uyo ali nu wutawulilwe wa kulimila ilidope ilyo ngita kye iikeela.