Vagalatya 4 سے مشہور بائبلی آیات

شئیر

Lino, pakuva unyeenye muli vaana vaakwe, uNguluvi ámutumile uMubepo va Muswamuve mu numbula dzeesu, uMubepo uMwimike ye akutuhambusa ukumukemeela uNguluvi, “Aba,” ikiganulo kyakwe, “Daada.” Neke lino, uveeve usili musutu, nda haamu, uveeve uli mwana. Kangi wiimila wa kuvedza mwana, uNguluvi ákuhambwise na yuuve uvedzage munya kuhaala.

Neke kangi umusika ugwaviikiilwe nu Nguluvi pe gwafikile, uNguluvi akumutumaga uMuswamuve. Aaholiilwe nu mwayuuva, kangi aaholiilwe Muyahudi mu wutemi wa milagililwe. Aatumiilwe ukuta avakombole vonda avali mu wutemi wa milagililwe, kangi ukuta uneefwe tuvedzage vaana va Nguluvi.

Neke kangi lino, múmudzeeliye uNguluvi, nave ávadzeeliye unyeenye. Wiimila wa idzo, kye kiki mwipilukila ku migendzehedze gya pe naanyi, igingaya ngufu nambe luwumbulilo? Kye kiki mwisaka ukuvedza vasutu va migendzehedze igyo kangi?