Kə̀fàʼ 17 سے مشہور بائبلی آیات

شئیر

Ù kə ayiə yə ghii zəŋi nə̀ ghu ki kaw bə̂ ìghe. Abu ghu kaw bə̂ ighe, ghu ki kôʼ ìghe. Zə̀kìy kwùlì də̀ kə akə̀lə̀ ŋgàŋ, kə kə̀ doʼò nây yə̂ dzə̀

Zə̀kìy kə zəŋi tsə aghee mbyi yə àdzə̀m abidzəmə̀ wù ùmòʼ ù kə bwam kə nəniy. U zəŋi tsə nə̀ ghu muə̀ doʼò yə̂ anə lòʼo tədzə̀m anə mbyi. Ù ma kwu byay na zìì bə̀ nə̀ soŋə fə ghu nî byikə bə̂ nəniy ghu ate zù kwùm nə̀ soŋə fə ghu nî pfə ate, nə̀ loʼo tə ghu nî kwu ani mùə̀ ate.

Ù də̌ Zə̀ kə̀ kə kə bwam nəniy byiwuŋ kiy nə̀ mbvə̀dintsə kiy, nə̀ ùfyiə wə ate ùdzə̀m. Ù də̀ Mwe ə̀ mbyi. Ù mùə̀ dzə̀ way anə ndaw tə aghê bwam kə nəniy.

U mə sày na tsuk fiy ani saʼ aghê dzə̀m ate anə mbyi anə isaʼ i tsitsi yiy. Ù sày na Yesù nə̀ ù nî saʼ isaʼ i ghè yə̀. Zə̀kìy mə dè sòʼò tsəe kiy awò àghè dzə̀m ani dè tsə nə̀ Yesù kpe ŋwô ani saʼ, anə yiə yə ù zɛ̀m kə nəniy Yesù ate anə ipfə.”

Yəə ŋgà də nəniy awa Kəzə̀ yìy, ŋgà kə moʼò dzə̀ nə̀ ù də̀ yəə mwòʼo mə ghu bwam fyi kə anə ufyiə ùtsə ùsoŋə̀ wə̀ ghu zəŋə nəniy ukhiy wiy ate, moo ufyiə ùtsə ùmwaa wiy, moo mwòʼo fə ghu zəŋi fyi kə nəniy anə atay. Zə̀kìy way dzə fyiə kə̀li kiy ghu zəŋi nə̀ àwo.