प्रेरितों के काम 11 سے مشہور بائبلی آیات

شئیر

जां जेख्णी बरनबास तैठि शाऊला सिंउ मिला ता सै शाऊला अन्ताकिया नगरा लै या। शाऊल जां बरनबास दोईयो पूरै एकि साला तेईनी तेठणीरा विश्वासिया सेईतै रिय्है; जां बड़ा-सारा मैहणुवंनी प्रभु यीशुरै बारै मझ उपदेश दींतै रिय्है। चैलानि सभनियांं पेहिलै अन्ताकिया मझ मसीही बोलथियु।

तैठि पुजि करि जेख्णी बरनबासै परमेश्वरैरा अनुग्रह लधा ता सै खुश भौ ग्यै। तैन्हैं सभनियांंनि होंसला दित्ता कि सच्चै दिल सिंउ प्रभुरै तेईनी पूरी तराहि सिंउ ईमानदार बंणी रिय्हा। सै बरनबास भला मैहणु थ्या; जां पवित्र आत्माय जां विश्वासै ला पूरी तराहि सिंउ भरियोउरा थ्या; जां बड़ै मैहणु प्रभु मझ अईछी ग्यै।

ऐठणीरै तेईनी जेख्णी परमेश्वरै असुनि बि सैहै वरदान दित्ता जेख्णी असुवें प्रभु यीशु मसीह पन विश्वास केया; ता आंउ जांणता कि आंउ परमेश्वरा ना रौकि सकता। ऐ शुणि करि सै यहूदी विश्वासी शांत भौ ग्यै, तैन्हैं ऐहीं बोलि करि परमेश्वरेरी महिमा की, “तां ता परमेश्वरै होरनियां जातियनि बि ऐ वरदान दित्ता कि सै बि अनन्त जीवनेरै तेईनी अपड़ै पापा किना मंन फेरिया जां यीशु मसीह पन विश्वास करिया।”