Lug 7 سے مشہور بائبلی آیات

شئیر

Ane, àghò kyeri gha àkɔ̀ŋì azo̰ ne məd chwi anìŋ fə ghì gha mə̀ waʼ inug tibɔ̀ŋ məd ijìm. Wə̀d ne mbi waʼi inug tibɔ̀ŋ məd məyi iki piʼì, ya bə̀ chwìye àkɔ̀ŋì məyi iki piʼì.” Yeso ya si ghà abə àyi we gha, “Mə waʼ ìmbe inug tibɔ̀ŋ ijìm.”

Yeso ya chè imbìghè ghà abə àyi we gha, “Ìwe ibḛfiŋ fə pumni awe. Si ghò ane àbɔrɔ̀bɔd.”

Wì ya pè təm anjìm abə Yeso gùndi ibo iban aghog se dèghè. Məsi mbe ne yaya dùwə̀ ibo inga aghə ya sò ighog abə Yeso, wì se fùghə ane ìti nyɔ̀ŋì atog. Wì ya gundi nyɔŋ ighog ìmbi Yeso, bə̀ tù məwud àka inun mbe igun ighog ìmbi Yeso.

Chəyi mə̀ bə kòʼ ni yeʼe ine imbìghè mo mo. Àghò ghama məyi ìngam, àmə wə̀d àfàʼì biri bɔti. Mo inum we aton mə̀sogyì kyen. Mə bə̀ bèrì mə̀sogyì kwa kwa aton inum. Mə mə̀ ghà abə sogyì mɔ̀ʼɔ gha, ‹Ndò,› wì ya ghò. Mə mə̀ bə̀ ghà abə ìwi ndəŋ gha, ‹Yeʼe,› wì ya yèʼe. Mə mə̀ ghà abə ìmə wə̀d àfàʼì gha ‹Ghiyə anìŋ,› wì bə ghì ane.” Anyumə̀ ne Yeso ya zughi inug mbo̰, anug ya chè aməd. Wì ya si ghàbri ghà abə inɔ̰ bəd ne yaya yḛ̀ abɔ̀ʼ məd gha, “Mə̀ gha inən, chəyi mə̀ kə bàri wə̀d ne beri iku ibḛfiŋ gho̰, ka bèyi inga Izre.”

Kwàʼ anyumə̀ we, Yeso ya ghù bəd ndan ndàn ne ghɔ̰̀ tiku ighɔn nɔʼ nɔʼ bə̀ chì izwighi tibɔ̀ŋ inga bəd mbe ne izwighi tibɔ̀ŋ ya yaʼi inga inɔb. Wì ya bə̀ fìʼì aghə abə məfəg. Yeso ya ywìtì inɔb gha, “Mbə̀ gho ghà inug mbe ne mbə̀ bari fɔrɔ inug mbe ne mbə̀ zughi abə Jɔn. Məfəg mbe se bàrà isiŋi. Bəd ne ighog sweʼe mbe se yḛ̀ icheg chɔm. Bəd mbe ne ghɔ̰̀ àwàrikə̀m mbe se zḛ. Bəd ne koro mbe se zùghə inug. Bəd ne ku mbe bə̀ zwème ane iwu. Bəd mbe chètì ikən chɔm abə bəd ne chəyi àzɔb.