Откровение 3 سے مشہور بائبلی آیات

شئیر

Ӣи! Ныкывлюңа амигми тыңлюхтуҳтуңа. Китум алңунак нагақуқумигу мыка, амигмың қылъпыӷусимакаңаңа итыҳлъықуңа лъңанун. Ынка̄м ныӷылгусиҳлъықақа, лъңанлъю ныӷылгусиҳлъықа̄ңа.

Лӣсимакамси ся̄қыстық: исыкинанӷитуси, налиӷмың угуқнанӷитуси. Исыкиналӷӣситуқ налиӷмың угуқналӷӣситуқ! Ынка̄м мақаӷра̄ха̄тыхпысиның, исыкинанӷилңӯси налиӷмың угуқнанӷилңӯси, қысӣнъақамси қанымның!

Тама̄кут пиниқыхканка налъҳусяӷақанка, аӷью̄ӷақанкалъю. Ынка̄м сягиқныӷуҳтык, авутыҳқылъюси сыӷлыҳқынъаниҳтык.

Лӣсимакамси ся̄қыстық, лӣсимакамсилъю кая̄туси. Нақамлъю қа̄ткаси апыҳтӯсянка, мысиӷӣгатусилъю хўаңамнун малихся̄ҳтыкнилюси. Ӣи, қылъпыӷусима̄мси амигмың; китум алңунак умыгьяҳқақынӷилъкаңаның.

Кая̄лъқӣлюңа ынка̄м ақумга̄ңа ся̄ӷўани Атама умӣлгусӣкун ақумутахкынкун. Таўатыҳпигақ кая̄лъқӣлӷӣ ақумыслъықақа ся̄мкун умӣлгусигныкун ақумутамкун.

Пӣқуси аклъюңинъилюси, алъхыӷутыҳлъягақнилюси, аклъюңиганъилюсилъю. Иўырңа налъюкуси сыӷлыӷўа̄ӷӯси, наңлъыгнаҳтуси, аклъюма̄си, ая̄ңа̄си, амсикаӷмытусилъю.

Қылъқақамси нуқытысқылъюси. Қа̄ткыхкақутыхпысиның қылӷилъқа пақнӣҳсяҳлъықамси сыӷлылӣлъыӷның ка̄нъақылӷӣның нунатаҳаӷының тамаҳа̄ның. Тама̄кут сыӷлылӣлъҳыт нанӷӣқулъықӣт қамахлъюки югыт кияҳлъыҳӣт нунами.

Тагияҳтуҳтуңа. Айыпсюгилъюси ухпықумаңинаҳтыңъа китумун алңунак ўаянӷитысқылъюки қаҳпаси.

Таҳтуӷлюси, икнақуҳсяҳтыху сяңўа̄ сялин лъпыси пизи туқунақылӷӣ. Лӣтанка укавантут сяңўа̄т пӣқыхкыси Кияӷныӷма писқысюлъҳаның лъпысинун.