От Матфея 26 سے مشہور بائبلی آیات

شئیر

Кылыңатык, юӷаҳтык нанӷӣқулъыңынӷитысқылъюси. Ипапыста̄қ таӷныӷак пияҳқа̄ӷңа̄ӷмык, иўырңақун югусиқ кая̄туқ».

ынка̄м пикӣ: «Қа̄мнака қивӷуҳлъягӯқ, рыпалъ туқуяҳқа̄ҳлъюңа. Таўанлъюси кылыңалгусиҳтыңъа».

Тазиңапиҳқа̄ӷлюни нунамун сикмӯлъюни юӷақақ: «Атамни, пияҳқа̄кан, мыӷынӷилъяңа хўакын қаю̄симың; иўырңа нака̄н пиюкылъымтун, лъпык пиюкылъыҳпытун пигу».

Та̄на а̄кўақа, та̄хун Кияӷныӷым акықуся̄ апыӷӣӷьяҳқа̄гуқ. Туқукума а̄кўа кӯвылъықуқ угляпихлъыҳӣнун югнун сыӷывутусӣлюни сыӷлыҳқылъҳитнун.

Ныӷӯтңулютың Иисусым тугулюку нықыкшаңлъяқ игамсиқаюгвиклъюку Кияӷнық, а̄вгуӷлюку тунқуқӣ малихся̄ҳтыни. Пикӣ: «Тугулюку ныӷитыху, уна югусиқақа».

Та̄хкын тугулюку қаю̄сиқ виномың ималык игамсиқаюгвиклъюку Кияӷнық тӯныхка̄ лъңитнун. Пикӣ: «Мыӷвика̄таҳтыху қамахлъюси.

Та̄хкын Иисусым такуяқминики пиңают малихся̄ҳтыни қава̄фтут. Ынка̄м Петр пика̄: «Кылыңалгусиҳпагниңитыстыңъа̄ ата̄сиқ афлъю?

Уңипа̄тамси, виномың алъя мыӷна̄нӷитуңа кынляңа аӷныӷми таўани, виноӷраӷаӷмың мыӷылгусиҳлъықамси Атама Атаныҳпагулъҳани».

Та̄хкын Петырым нықа̄тка̄ Иисусым пилъҳа: «Петух қалӷиҳтыстыхпына̄н пиңаюның налъюнқылъықаҳпыңа». Ынка̄м а̄нлюни қия̄ӷўаҳлъякақ.

Ныкывитык, иглыҳтылъта. Ӣи, ука увыҳпагутистыка».

Та̄хкын Иисусым пика̄: «Сявихпагын канаҳтигу қантанун, қаюҳлъяк қамахлъютың сявихпагмың атуқилӷӣт сявихпахкун туқусяҳқа̄гут.