Юӷаҳтуңа Кияӷныӷмун аклъюңиҳлъяганың аҳтуӷьяҳқа̄нӷилъылитысқылъюси икнақуҳсӣсқылюки илюси қа̄мкут Таӷныӷахкынкун. Юӷа̄ткамси Христос кияҳтысқылъюку илюхпысини ухпықилъыҳпысигун. Юӷа̄ткамси акулгусқылъюсилъю, тунымалгусқылъюсилъю пиниқылъыҳқун. Юӷа̄ткамси, қамахлъюкилъю Кияӷныӷым юги, лӣгиксяқлъыгусқылъюку Христосым пиниқылъҳан, иқытуляңа, тахталяңа, ӯсқаҳтуляңа, сямавныҳтуляңалъю. Лъпысинун лӣсимакысқысюгақа Христосым пиниқылъҳа, қайўа пияқнаӷңа̄н лӣгикңўа̄лъыҳқа̄. Та̄хкын пиниқылъҳакун, Кияӷныӷым наңаӷныӷатун ўата лъӣҳлъықуси.