2е Фессалоникийцам 2 سے مشہور بائبلی آیات

شئیر

Иўырңа пӯҳтыстыхпынаси! Та̄на Аӷныӷа Атанӷым ка̄нъа̄нӷитуқ кынляңа югыт малиҳқутақсюгнанилӷитнун Кияӷныӷым иглыӷутилъҳанун, ка̄тылъҳанунлъю Сыӷлыпыста̄ӷым Югым. (Лъңа на̄фқысяҳқа̄гуқ геенами.)

Ухпықа̄лгутымнъи, ӣўлың игамсиқаягусяҳқақамси Кияӷныӷмун, лъпыси пиниқыхкӣтни Атанӷым. Игамсиқаюгвикақаҳпутлъю Кияӷнық қаюҳлъяк накмикыхкақӣси югулисқылъюси има пӣнлиӷьюхўа̄лъҳаның нунам. Югулика̄гуси пылюңиҳсялъҳакун Аглыӷналӷӣм Таӷныӷам, ухпықылъыҳпысигунлъю ипапилъық.

Та̄м югым кипулъхина̄ҳлъықӣ кияӷныңлъяқат налиӷмың манигуӷьяҳқат, тама̄куның лъңаның қулиҳпига̄ҳсяҳқа̄гуқ. Ынка̄ңам итыӷлюни Кияӷныӷым Храмыңанун ақумлюни Кияӷныӷунилъықуқ.

Кияӷныӷым Атамта, пиниқистымта, наңлъыхталъыӷмикун тӯныхкақӣлъю кынлыңилңуӷмың илютулъыӷмың, пинилӷӣмыңлъю сиӷималъыӷмың. Атанымта Иисус Христосым лъңан катам, Кияӷныӷымлъю Атамта, ылъкыхкынка илютуҳсяӷлисилъю, икнақуҳсяӷлисилъю тамаҳа̄кун пинилӷӣкун қыпҳалъыҳпысигунлъю, акузилъыҳпысигунлъю.

Тама̄кын апалъюқлъюку Кияӷныӷым пӯӷнықхӯтыслъықӣ ухпықысқылъюки сяңўа̄т ипаңунӷилңӯт.

Сивутҳулъюку Атанӷым Иисусым тагилъыҳқа̄, Сыӷлыпыста̄қ Ю̄к тагилъықуқ аҳтуӷьяҳқа̄нӷилъылиӷлюни Туӷныӷаӷмың. Та̄на Ю̄к алъя̄ҳлъюхўаҳтисиӷўа̄ҳлъықуқ алъя̄ҳӣнаӷмың сяӷӣӷаналӷӣның. Атуқылъықӣлъю алъя̄ҳӣна̄т сыӷлыӷыт пӯҳналюки туқуяҳқат. Туқуяҳқа̄гут қаюҳлъяк ухпықсюнӷилъкаңат ипалъық югулисиҳқақсяқысың.

А̄ўалъю қайвиҳсимаңилңуқ аҳтуӷьяҳқа̄нӷилъҳа сыӷлыҳқылъҳым қыпҳа̄ҳсима̄қ нунами. Иўырңа ма̄тын китум кима̄ўистақа̄ та̄на сыӷлыҳқылъық. Кима̄ўистистыңа таўатын пилъықуқ кынляңа Кияӷныӷым иқитыстылъҳанун.