ግብረ ሐዋርያት 9 سے مشہور بائبلی آیات

شئیر

ወይቤሎ እግዚእነ ተንሥእ ወሑር እስመ ንዋየ ኅሩየ ረሰይክዎ ሊተ ከመ ይጹር ስምየ በቅድመ አሕዛብ ወነገሥት ወደቂቀ እስራኤል።

ወወድቀ ውስተ ምድር ወሰምዐ ቃለ ዘይቤሎ ሳውል ሳውል ለምንት ትሰድደኒ። ወይቤሎ መኑ አንተ እግዚኦ ወይቤሎ አነ ውእቱ ኢየሱስ ናዝራዊ ዘአንተ ትሰድደኒ ይብእሰከ ረጊጽ ውስተ ቀኖት በሊኅ።

ወሶቤሃ ሖረ ሐናንያ ወቦአ ቤቶ ወወደየ እዴሁ ዲቤሁ ወይቤሎ ሳውል እኁየ ፈነወኒ ኀቤከ እግዚእነ ኢየሱስ ክርስቶስ ዘአስተርአየከ በፍኖት እንዘ ትመጽእ ከመ ትርአይ ወይምላእ መንፈስ ቅዱስ ላዕሌከ። ወሶቤሃ ተሥዕዐ እምአዕይንቲሁ ከመ ዘሣሬት ወተከሥታ አዕይንቲሁ ወርእየ ሶቤሃ ወተንሥአ ወተጠምቀ።