Lugu 8 سے مشہور بائبلی آیات

شئیر

Kandə kər gə um dɔ nangə gə may gə le to dəwje gə ꞌta tar gə mə gə may gə to dana gadə. ꞌNgom nəm, d-ila ngon kuji dɔ-ɛ gə d-ar kand-e to.

Kandə kər gə um mə kun gə le to to gə dəwje gə ꞌtuga mbi-je d-o ne tar nee le, ngaa no rɔje, gə nemayje, gə rɔləl gə dɔ nangə nee udu dɔ tar le ar kand-e ɔr ndəl ang.

Kandə kər gə um dɔ ranga gə le to to gə dəwje gə d-o tar, ɗaa ꞌta tar le gə tɔg-ɛ ɓa gə rɔləl, ngaa tar le ula ngira-a mə-je gə gə maj-ɛ ang; logə ꞌta kagə ɓa ɓo nena inga-je nama ꞌmbadə takagə lə-je.

Cibi, Jeju ula ngan njenendoje lə-a na: Takagə lə-si to ɗa ngaa nee wa? Ngaa ꞌɓəəlje ngaɓa mə-je gangə man ar ꞌpa tar horo naa gə na: Dəw gə nee to na ja wa? N-un ndu n-ar ləl je gə man ɗaa d-o tar t-ɛ gə səmə!

Kandə kər gə um mbɔr ɗəw boo njal-njal le, to dəwje gə d-o tar ɗaa, ꞌSɛ̰ngərɛ̰ ɗe ɔr tar gə d-o le mə-je gə ɗɔdə mba kɔgəje mba kar ꞌta kagə nəm gə d-aji nəm tɔ.

Be ɓa ne kara gə iya rɔ-ɛ gə d-a kila gə ɗaga ngadə ang le godo, ngaɓa ne kara gə ꞌdəbə dɔ-ɛ gə d-a kḭya̰ dɔ-ɛ ngaw kar gadə gə ang le godo.

Jene le o to gə d-o-e ɗaa, isa gə ɓəəl, ɗaa ɗe oso nangə no gɔl jeju gə. N-pa gəl tar gə n-uwa ne ta kubu lə-a gə məsə gə gangə rɔ-ɛ gə njɛd gə lo-e gə əng le no dəw mə ɓeje gə tɔ̰y. Ngaa, Jeju pa ar-ɛ na: Ngon-m, takagə lə-i aji-i. Aw gə ɗɛgɛgɛ.

Ngan njenendoje lə-a ꞌndol-e ɗaa ꞌpa na: Njenetɔji, Njenetɔji, j-a kaw kinga tuji! Jeju ndol ɗaa, ndangə ləl gə ꞌpagəm le ɗaa d-unda nangə ar mbi lo pa kəng.