Jagə 1 سے مشہور بائبلی آیات

شئیر

Ngan ko̰-mje, oje nenaje ɓədə-ɓədə gə ce dɔ-si gə le gə ne rɔləl mba kar-si ꞌgərəje to gə nena gə ɗəw takagə lə-si le ɓa uji kuwa gədərə.

Ngaa, to gə ɓo kəm karə lal dəw kara horo-si gə nama, may kar-ɛ dəji Luba gə nje kar ne dəwje tɔ̰y gə go məmay lə-a lal dəji ndu-je le nama, n-a kar-ɛ ja tɔ.

Ngan ko̰-mje gə m-njigi-si ya̰, ꞌtugaje mbi-si gə maj-ɛ oje. To gə be, may kar dəw gə ɗa-ɗa kara tuga mbi-a gə tɔg-e o ne tar, ngaɓa ila m-e ɓa pa tar, ngaɓa ɗa wungu gə tɔg-e baa ang nəm tɔ.

Ngaa, məndəər le may kar-ɛ ɗa kula gə may pɛdə mba kar ꞌtoje ne dana gadə gə ꞌmayje ɔrəje ne sṵra̰, ngaɓa gə mba kar ne kara kara lal-si ang nəm tɔ.

Tar gə oje le, ꞌɗaje kul-ɛ ɓa, ɓo ꞌtaje ꞌpaje ne tar kəm karə lə-si baa ang.

Nokarə to ɔji dɔ dəw gə uwa gədərə ta nena gə; mba go nena gə ce dɔ-ɛ gə le, n-a kinga jɔgə təbə gə Mbayɓe uwa dɔ gɔl-ɛ ngina ne dəwje gə ꞌnjigi-e.

Nekarə nuji gə may unda mar-ɛje tɔ̰y gə nekarə baa gə may ɔr sṵra̰ le ḭ dara rɔ bɔ-sijee gə nje gəl lokarə gə mbəl rɔ-ɛ ang ose ne gə tɔji mbəl rɔ lə-a godo.

Mba to gə ɓo dəw o tar, ɓa ɓo ɗa ne kula ang nama, nj-ɛ nee le asə naa kara baa gə dəw gə o rɔ-ɛ tatara gə, ngaa waga baa ja go ko ye o rɔ-ɛ le ɔdə aw ɗaa, m-e uy dɔ lo kunda rɔ-ɛ gə sɛl.

Nepolo gə arə ngadə, gə to ne gə mina kəm Luba gə Bɔ dəwje ang le ɓa nee: Ka lo gə dɔ ngan alje gə, gə jene ndubaje dan nekəmandoo gə ɗa-je, ngaɓa kɔsə neje gə mina gə dɔ nangə ne ngərəng.

To gə ɓo nekərə ce dɔ dəw gə nama, əw rɔ-ɛ pa na: To gə Luba ɓa ərə-m. Mba Luba a kasə kḭya̰ rɔ-ɛ kar ne gə kṵra̰y ər-e ang, ngaɓa ꞌne gə Luba ja kara n-ərə dəw ang nəm tɔ. Ngaa, na-na kara nekərə ce dɔ-ɛ gə, mba kəm kə̰y lə-a ja aw sə-a ila ta kula gə ar-ɛ uba-a.

Ngon ko̰-si gə to njendoo le, may kar-ɛ inga rɔndɔɔ ɗəw kunda gə d-unda-a taar ndode.