May kar-i gərə gə maj-ɛ to gə, dɔ ndɔje gə gugu nama lo a kədərə ya̰. Mba dəwje d-a njigi darɔ-je ɓa ya̰, ngaɓa d-a njigi lar ya̰, d-a to gə nje kɔsə rɔ-jeje, njekunda kar-jeje, njetaji Lubaje, d-a mbadə koso kul no njekuji-sijee gə, d-a kar oyo ang, d-a ɓəəl ne lə Luba ang, d-a to njeməngo̰yje, d-a to nje kunda tarje, d-a to nje pa gə ngan marəje-je, d-a to nje gə kəm karə lal-je, d-a kaw gə kəji lə daje, d-a to njeba̰a̰je lə ne gə may, d-a to nje ce gəl ngan marəje-je, d-a to nje wunguje, ɗaa kunda kar a tɔ kəm-je sḭ nəm ɓa d-a njigi rɔləl gə darɔ gə ɓa ya̰ kunda njigi Luba; d-a tɔji ndaji kila kuji dɔ ne gə lə Luba kəm dəwje gə ɗaga baa, ngaa mə-je gə ɗaa ꞌmbadə singamong-e. Kəm kar-i mbɔbə dəwje gə be ang.
