Yohane 17 سے مشہور بائبلی آیات

شئیر

Braho su pdai knbale su prtaso dheya. Kari su we kika kesun bale ba.

Kkela daha isu ma wano 1 bale ba Utux Baro. Kiya uri we mkela snkgulan su ka Yesu Kiristo kika kesun uka psteqan knuudus.

“Uxe wano dheya ka sdurun mu. Sdurun mu ka seediq mooda kari daha snhii kenan uri, so maha mpskingal ka dheya. Mntana so Tama meniq ckceka mu ma meniq ku ckceka su ka yaku. Kiya de mpsnhii ka seediq bobo dxeral isu ka smnkagul kenan.

Uxe ku mdurun aangal su peeyah bobo dxeral ka dheya, wano qqlahang su dheya ma pqduriq peeyah naqah ka sdurun mu.

Knledax bnege su kenan we wada mu sbege dheya. So mmaha pskingal ka dheya mntena so mskingal ka ita. Meeniq ku ckceka daha ka yaku ma meeniq su ckceka mu ka isu. So nii mttuku bale mmaha 1 ka dheya, kklaun bobo dxeral ka smnkagul su kenan ma wada su gmaalu dheya mntena su so wada gmaalu kenan.