Daniyel 8 سے مشہور بائبلی آیات

شئیر

Krinah mrana paru ka beyax na, kiya ka kiya uxe smtama beyax na. Kcugun ba ka sseeliq na ma ida na dhekan ka ooda na. Mpooda lnglungan na mooda ma, mooda phuqil dseediq niqan beyax ma dseediq mrtaso. Ado kmqnaqah ba ka heya ma dehuk ba ka sneengan na quri naqah. Rinah psparu ka lhebun na ma, ini pgkela asi rinah kmremux phuqil hbaro ba seediq ka heya. Betaq meeyah mccebu Qbsuran paru kana dqbsuran paru. Kiya ka hiti ba de wada phqilun uxe baga seediq ka heya.

Rngagan ka heya: “Qtai! Mphuwa mesa ka qnhdean seang we rengo mu sunan. Ado ali qqnhdean ka nii. Qntaan su ka 2 urung baus miric rudu we qbsuran paru Maday ma Paras. Baus miric we qbsuran paru qlhangan Hellenis. Gaga hmeru cenga 2 doriq hiya ka paru urung we kiya ka qbsuran paru plaale.