Matie Sɛbɛ 23 سے مشہور بائبلی آیات

شئیر

A ʋlɔ na ɩ a kpɛ̃ɛ a nyɩ sɔ̃w na ɩ na a nyɩ tʋ̃tʋnɔ.

Ɩ̃ a ʋlɔ na bʋɔrɔ a yo-yifʋ, a ʋ yuor na suu na, ɩ̃-cɛ a ʋlɔ na pab a ʋ mɩ̃ɛ, a ʋ yuor na do na.”

“Nabier na pɔw na a nyɩmɩ ƴɛr-kpɛn-bɔɔnbɔ na a Farɩsɩ nɩbɛ. Nyɩ ɩ na bɛbɛlbɛ! Nyɩ ma irʼã a Naaŋmɩn ben a nyɩ jɛɛ-yele pʋɔ, wɔ̃ taa na a sãɓaan na a bir na a gbẽ-vaar, ɩ̃ ma lɛ bar a ala na lɛ ɩ a kpɛ̃ɛ a ƴɛr-kpɛn pʋɔ, wɔ̃ taa nɩ a torfʋ, a son ɩfʋ na a dẽdẽ ɩfʋ. A asɩmɛ ɩ̃ dãa sɛw a maalfʋ, ɩ̃-cɛ a yel-bil pãa tuure.

“Nabier na pɔw na a nyɩmɩ ƴɛr-kpɛn-bɔɔnbɔ na a Farɩsɩ nɩbɛ. Nyɩ ɩ na bɛbɛlbɛ! Nyɩ ma pɛw na a nyɩ ŋman na a nyɩ lakpow puo-sɔw bar, ɩ̃-cɛ a ba pʋʋr, a nyɩ nyanyu-yele na a nyɩ burbur maalfʋ ɩ̃ sɛɛr.

“A nyɩmɩ Jerujalɛm tẽ-deme na ma kú a Naaŋmɩn ƴɛr-hierbe, ɩ̃ ma lɔb a bala a Naaŋmɩn na tʋ̃ a fʋ jie nɩ a kubie kúrɔ, gbɛɛ amɩnɛ ɩ̃ dãa bʋɔrɔ ɩ̃ kpaarɩ̃ nyɩ ƴɔ̃w a ɩ̃ pulẽe wɔ̃ taa nɩ a mɩnɛ a nʋ̃ɔ na ma kpaarɩ̃ a ʋ bil ƴɔ̃w a ʋ pɩrɛ pʋɔ, ɩ̃ a nyaa sɔw wa.

A nyɩmɩ, a lɛ nyɩ mɩ wɔ̃. A nɩbɛ nii-sɔw nyɩ wɔ̃ na taa nɩ nyɩ torʼã, ɩ̃-cɛ a nyɩ pʋ̃ɔ, nyɩ sɛw nɩ na a bɛlɩ̃fʋ nɩ a maal-faar.