Johannes 6 سے مشہور بائبلی آیات

شئیر

Mürin Jesus a üreniir, “Ngang ewe mongön manau. Iö a feito rei esap fokun chüen echik, nge iö a lüküei esap fokun chüen kaka.

Ngünün Kot a afisätä manau, nge pöchökülen aramas esap fokun wor aüchean. Ekewe kapas üa fen ürenikemi ra eäni Ngün me manau.

Ousap angang fän iten mongö mi tongeni ngauala, nge oupwe angang fän iten mongö mi nonomola tori manau esemüch. Iei ewe mongö Nöün Aramas epwe ngenikemi, pun Kot ewe Sam a fen anomu won asisilen an tipeeu ngeni.”

Pun iei letipen Semei, pwe meinisin mi nenengeni ewe Nau o lükü i repwe eäni manau esemüch. Ngang üpwe amanaueer lon ewe ränin sopolan.”

Jesus a pölüeniir, “Kot a mochen pwe oupwe lükü ätewe i a tinato.”

Chokewe meinisin Semei a ngeniei, repwe feito rei. Nge iö a feito rei, üsap fokun asüela.

Simon Petrus a üreni, “Äm Samol, iö aipwe feila ren? En ka eäni kapasen manau esemüch.

Ngang ewe mongön manau mi feitiu seni läng. Are eman a mongö ei mongö epwe manau tori feilfeilachök. Iwe, ei mongö iei fitukei ngang üpwe fangala, pwe chon fanüfan repwe manau ren.”

Esap wor eman a tongeni feito rei are ewe Sam mi tinieito esap panato rei. Iwe, üpwe amanaua lon ewe ränin sopolan.

Pun ewe mongö Kot a ngenikemi ina i ätewe a feitiu seni läng o a fang manau ngeni chon fanüfan.”

Ngang ewe mongön manau.

Mürin Jesus a angei ekewe pilawa, a iotekin kilisou ngeni Kot wor o a ineti ngeni ekewe aramas mi mot ikenan. Pwal ina chök usun mine a föri ngeni ekewe ik. Ir meinisin ra angei ükükün mine ra mochen. Iwe, lupwen ekewe aramas meinisin ra mötüla, Jesus a üreni nöün kewe chon kaiö, “Oupwe ionifengeni lusun ekewe mongö, pwe esap wor och epwe solapala.”

Lupwen ekewe chon kaiö ra fen fötülei waar we ina epwe ükükün ülüngat ika rüanü mail, ra küna Jesus a fetalela won ewe matau o fetaleto arap ngeni waar we. Iwe, ra fokun rükö. Nge Jesus a üreniir, “Ousap niuokus! Ngang ei!”