มัดทิว 8 سے مشہور بائبلی آیات

شئیر

เยซู เม็จ อัห ไล ออ จังนะ ‍ นำ ก็ ซ็วน อัห ‍ “เอ ‍ ซีวะ แร็ง นเจิก แป จังเน ‍ ซีวะ แป ไอ มี ปอ เจือ เอิญ” นำ อัง ‍ เจ็นนัน เยซู ก็ ร็อห ญ็อง ‍ นำ ก็ โป งกริม โป นอก ‍ งกริม ก็ เค็ด งาล ‍ นอก ก็ เค็ด อุ งเกิน ‍

แต นายรอย นัน มบราง เยซู เริล เจิง ออ ‍ “อำ เริล เจิง เอิญ เตาะ นาย ‍ เอิญ เน ไอ มี ซมควน ระ มัห กุด เจิง ออ เตาะ ‍ ครอ ระ มัห อุ ตัก เน ไล นำ งาล โซะ ‍ นำ ก็ งาล ดาย ‍ ไอ มี จำเป็น เริล และ นำ ตัก เจิง เตาะ ‍

เยซู เม็จ นายรอย จ็อก มอก นัน ‍ นำ ก็ งึด ซีเละ ‍ เยซู ก็ ไล ปึง นัน ตี เริล เคิบ เยซู นัน ฮุนเน “บา นอ ‍ เอิญ เริล ทัว ปะเทด อิซราเอล แอ เน ‍ เอิญ ไอ มี เกย เม็จ อีเอ แก็นใจ เจือ มอก ล็อง เน ‍ นำ ไอ แมน ครำ อิซราเอล แอ เน ดุห ‍

แลว เยซู ไล อัห แลว ‍ นำ ก็ ไล นายรอย ฮุนเน “มัห วัล เจิง นทึห เตาะ ดาย ‍ มัห เจือ เอิญ มอก นัน แลว ‍ ลูกนอง มัห ก็ เลาะ เล็ห แลว ดาย” เยซู อัง ‍ ท็อบ เยซู ไล ฮุนนะ ‍ ลูกนอง นายรอย ก็ ลด งาล โซะ ลด เลาะ เล็ห

ปึง ลูกนอง เม็จ เยซู แอง จังนัน ‍ อัห ก็ ญ็อก งึด ญ็อก เงอ อุ ‍ อัห ก็ จ็อก คือเน “บา ‍ ล็อง เน นำ เป็น ซีเอ นังเลาะ บ็อห ‍ คนาด นอก เคิบ งกริม ก็ ญัง ปัง แญง นำ มด” อัห อัง