NGGALATIA 6 سے مشہور بائبلی آیات

شئیر

Jia ba tuna, àmbu nahoda-duta la pawunda-ha da mahàmu; nadu jàka nda ta-pànjangu-ma pawunda-ha nuda, napa ngeru tamuti-maya na ihina.

Jia ba tuna, ba ningu-dupa ma-manggawangu-nda, màtawa ka tawunda mahàmu la mbuu ndàbana na tauka, ri - rihi la angu dedinda da angu pawainda.

Màtawa kai maràngga pa-mbapangu la paduku-ya na mambotu la tau hawiangu, màtawa ba timi nu kai nunjuya na hupu liina i Karitu.

Àmbu ningu ma-panyonga-kai. Nda pa-pajulu wàngu-aya i Ala! Jàka nggàraya na pa-tondungu, jia-maya napa na pamuti.

Na tau na ma-tondungu pa-namatungu la huri toluna, napa namuti-ya na meti welingu la huri toluna. Na nyuna jàka na-tondungu pa-namatu-nya la kapipi-nanya Ngahuna i Ala, napa namuti-ya na luri langatàka dàngu na ma-palupangu welingu la Ngahuna i Ala.

Dou da angu dedinggu duku! Jàka era toma-minya na haàtu ba nawunda manjala, màtawa nyimi maluri pa-namatungu la Ngahuna i Ala, kai kapipi-ya na tau nuna ka nabeli la ànda ma-padeningu. Na nyuna wàngu malijangu bàdi bai wundaya nuna, dàngu rimangu-ma ka àmbu jia linanggai ma-pakamangu.

Jàka ningu haàtu makaka wikina ba tau ràka tauya, tàka làti wàmu hi ndia biai, na tau nuna panyonga-nanya wikina. Nimbihu-na na tau nakinju wiki-maya bàdi, jàka nahàmu na huri lurina, jàka ndia. Jàka nahàmu, pekuna ka na-hamemu wànya na rukuna nuna. Na nyuna àmbu na-pamenja-dunya dàngu na pawunda tau hawiangu. Nadu nimbihu-na na tau ba maràngga hema wiki-mana duna ndumana.