NGGALATIA 1 سے مشہور بائبلی آیات

شئیر

Nu ba panii tunggu nu keha ka na-pajia-ya tau ba pa-pahurungu-ka wàngguka ihi nu? Nda hidama! Monu-nggunya na-pajia-nangga i Alama-a duku. Duruhungu-nggunya ihi nu pa-pamandangu eti tau ka nambuha-ngga tau? Jàka tuna numapa na pawunda-nggu, nda atana i Karitu-aka.

Na tau na ma-bobaru-ya na “lii mànangu” na mahauya welingu la Lii Mànangu pambàda bobaru-ma màtawa ka nahuku-nya paraïna i Ala – jiapa ka jia wiki-kama nyumakai jàka ndia ka papalewa welingu la awangu-yakai!

Dou da angu dedinggu la kabunggu - kabungguru la ngabana na tana Nggalatia. Nyungga yia, Paulu, dàngu mbuu ndàbada da angu dedi nu da tau Karitu da angunggu, mamonu-nya ka màla àruki i Ala na Amanda, dàngu i Miri Yehu Karitu ka nawua-nggai kanyuru dàngu mapeku mahàmu. Nyungga duku hi pa-pahurungu-ka nda lindi ninguna la taua jàka ndia nda ruku taua mawotu-ka, tàka pawotu-na i Yehu Karitu-ka dàngu i Ala na Amanda na mambàda paluri beliya Nyuna welingu la meti. Paraï pa-karadaku-nya na pambuha-na i Ala na Amanda, na pa-jàmangu wikina i Karitu panjadi kameti maraku lumuda da njalanda, ka peku pahàla-ta welingu la akatu-na na rehi nàhu.