KOLOHI 1 سے مشہور بائبلی آیات

شئیر

Nyuna mbàda pahàla-nandaka welingu la kuaha kapàtangu hi na-haleli-ta la ngia pa-hanganji-na na Ana pambuha-na.

Nadu ba rukuna Nyuna-maka ba na-padika-nya paraïna i Ala mbuu ndàbana la awangu dàngu la pinu tana, mbuu ndàbana na pangita dàngu na panda ngita, jia ndàba-mbuha da wàndi ma-kuaha dàngu ma-pareta. Mbuu ndàbana la pa-nggubulu awangu yiana ba padika-nya rukuna i Karitu dàngu ndumana i Karitu-maha.

Ba ndedi ni hàlanja da maninja, i Karitu mbàda ni mangilu-nyaka. Dàngu lumuna Nyuna-maka hi kiri ninja mbuu ndàba-daka la pangia - pangia-mada duda.

I Karitu jiaya na nggambaru-na i Ala na pangita, làti duna ba nda pangita-aya; i Karitu ana ma-maaya dehiya, hupu marihi-mayaka Nyuna la mbuu ndàbana na pa-padikangu.

Nuna-yaka na pakiri-na hi ma-hamayangu mànu ndumami nyimi piti welingu ba marongu-ya na rukumi nyimi. Nyuma makarai-ya i Ala ka pekuna na Ngahuna i Ala ka nawua-nggai manggàna dàngu la pa-jàngapu-ya na ngera pi palundu-minya jàka nggàraya na pawuku-na i Ala. Nu peku-mika nyimi paluri nunjuya na pambuha-na i Ala, dàngu kai pahàmu mànuya na etina, ka peku patumbu-mi mahàmu hangia -hangia. Dàngu ka peku bo - bonjangu-na napi-minya i Ala.