Popera ga Rómawa yexmagüxü̃ ga yaxõgüxü̃tanüwa namuxü̃ ga Pauru 14 سے مشہور بائبلی آیات

شئیر

Rü ngẽma Tupanape̱xewa nax imexü̃ca̱x rü tama ta̱xacürü õna nax ingṍxü̃ rüe̱xna ta̱xacürü axexü̃ nax ixaxüxü̃gagu nixĩ. Natürü Tupanape̱xewa nax imexü̃ca̱x rü tanaxwa̱xe i Naãxẽ ya Üünexü̃arü ngü̃xẽẽmaxã tayanguxẽxẽ i ngẽma Tupana naxwa̱xexü̃, rü yigü tangechaü̃gü, rü aixcüma tataãẽgü nape̱xewa ya Tupana. Rü yíxema ngẽmaãcü Cristuca̱x maxü̃́xẽ, rü Tupana rü tümamaxã nataãxẽ, rü duü̃xü̃gü rü ta tümamaxã nataãẽgü.

Erü ñu̱xma nax imaxẽxü̃, rü tórü Coriarü ngúchaü̃ nax ixügüxü̃ca̱x nixĩ i imaxẽxü̃. Rü ngẽxguma iyuegu, rü ngẽma rü ta tórü Corime̱xẽwa nangẽxma. Rü ngẽmaãcü nüxü̃ tadau rü woo imaxẽgu rü ẽ̱xna woo iyuegu, rü tórü Coriarü duü̃xü̃gü tixĩgü, rü naxme̱xwa tangexmagü.

Rü ngẽmaca̱x, ¡ngĩxã pora taxü nax yigü ingechaxügüxü̃ca̱x rü yigü rüngü̃xẽẽgüxü̃ca̱x nax yexeraãcü Cristuaxü̃́ yaxõgüxü̃ca̱x rü naxügüxü̃ca̱x i ngẽma norü ngúchaü̃ ixĩxü̃!

Rü ngẽmaca̱x, Pa Chauenexẽgüx, rü tama name nax tamücügüxü̃ ixuechaxü̃. Rü narümemae nixĩ i nüxü̃ perüxoe i guxü̃ma i chixexü̃ i peenexẽgüxü̃ pecadugu yixẽẽxü̃ rü ẽ̱xna norü õxü̃ chixexẽẽxü̃.

Erü Tupanaarü ore i ümatüxü̃wa rü ñanagürü ya tórü Cori: “Chorü maxü̃égagu nüxü̃ chixu nax guxü̃táma i duü̃xü̃gü rü tá chopexegu caxã́pü̱xügüxü̃, rü guxü̃táma choxü̃ icua̱xüü̃güxü̃”, ñanagürü. Rü ngẽmaãcü nüxü̃ tacua̱x nax wüxichigü i yixema rü aixcüma tá Tupanape̱xewa nax ingugüxü̃ nax namaxã nüxü̃ ixuxü̃ca̱x i torü maxü̃chiga rü ta̱xacü ixüxü̃chiga.

Ngẽxguma petanügu naxãxchaü̃gu i wüxi i pexenexẽ i turaxü̃ i norü õwa, rü name nixĩ i mea penayaxu. Natürü tama name i namaxã pegü pechoxü̃ga naxca̱x i Tupanaarü ore.

¿Rü texé quixĩ i cuma rü ngẽmaca̱x nüxü̃ quixu i to i coriarü duü̃xü̃gü? Rü dücax, pemaxã nüxü̃ chixu rü ngẽma norü cori tá nixĩ i nangugüxü̃ rü aixcüma mexü̃ naxü̱x i ngẽma norü duü̃xü̃, rüe̱xna tama. Rü ngẽma duü̃xü̃ rü Tupanape̱xewa rü tá name, erü nüma ya tórü Cori ya Cristu rü nüxü̃́ nangẽxma i pora nax namexẽẽãxü̃ i ngẽma duü̃xü̃.