Ngechuchuarü ngúexü̃gü ga yamugüxü̃arü puracüchiga 3 سے مشہور بائبلی آیات

شئیر

Rü ngẽmaca̱x, Pa Chauenexẽgüx, rü name nixĩ i nüxü̃ perüxoe i pecüma i chixexü̃, rü Tupanaca̱x pexĩ, rü peyaxõgü nax nüma pexü̃́ ínapiãxü̃ca̱x i perü pecadugü.

Natürü ga Pedru rü ñanagürü nüxü̃: —Choxü̃́ nataxuma i diẽru rü úiru. Natürü ngẽma choxü̃́ ngẽxmaxü̃ tá cuxna chaxã. Rü naégagu ya Ngechuchu ya Cristu ya Nacharétucüã̱x cuxü̃ chamu, rü ¡inachi rü ixũ! —ñanagürü.

Rü yema ñaxguwena ga Pedru, rü norü tügüneme̱xẽgu nayayauxãchi, rü inanachixẽxẽ. Rü yexgumatama naporae ga nacutügü rü naxme̱xtüü̃gü. Rü nayuxnagü rü inachi, rü inanaxügü nax iyaxũxü̃. Rü Pedruwe rü Cuáü̃we Tupanapata ga taxü̃negu naxücu. Rü nanayuxnagüane rü Tupanaxü̃ nicua̱xüxü̃.

Rü ñaa yatü ga chixeparachiréxü̃ i pema nüxü̃ pedauxü̃ rü nüxü̃ pecuáxü̃ rü marü naxca̱x nitaane erü Ngechuchuaxü̃́ nayaxõ. Rü ngẽma Ngechuchuaxü̃́ nax yaxõõxü̃ca̱x nixĩ i naxca̱x yataanexü̃ i ñaa yatü ga chixeparachiréxü̃ ngẽma ñu̱xma guxãma i pema nüxü̃ nax pedauxü̃.