2 KORINTUS 4 سے مشہور بائبلی آیات

شئیر

Angke anggo rohanami, tu angka pangalaho na so tarida do hami tujuhon, nada tu angka na tarida. Anggo na tarida, hum santongkin do i tahan, tapi anggo na so tarida i manongtong do i salolot-lolotna.

Hara ni i ma umbaen na so mandele hami. Haru pe mur sego hajolmaonnami parduru on, tapi anggo hajolmaon parbagasan i mur dipaimbaru do sian ari tu ari. Jana anggo hasusaan na so sadia on na hami taon santongkin, lehenon ni i do di hami hasangapan na so tarsuhat jana na manongtong. Dao dope gumodang hasangapan i sugari nipartimbangkon tu hasusaan i sandiri.

Sian sasudena do marrongoman angka na pasusahon i, hape laing inda tarhapit hami. Sompit do hami hilala, hape inda jabat mandele hami. Bahat na mangkosomi hami, hape inda jungada tarpunjung hami. Jana haru pe jotjot hami nibalbalan, tapi nada mate hami.

Tapi hami paoban-oban do arta partondion na jeges i di bagasan dirinami na so mararga on, i ma na nibaen sian tano. Jadi muda songon i, torang ma anggo hagodangan ni kuaso i marguru di Debata do, nada marguru di hami.

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.