Romános 9 سے مشہور بائبلی آیات

شئیر

Jecute ome Dupade uruode udojo ga que toc ujetiga gosi cho dajnéngu Dupade osongaquei gu uje chichaga dajéode aja; jeoga gosi chejnapise daguesi ome dasatique dejo, e mu que Dupade ajegaite gosi gu ipesutique cucha, uje garani jé u gosi gu. Mu qui u uje Dupade jé gaite dajéode, jecute a Dupade ajéo ga guẽrate dosongaquéode ome gosi.

Uje Dupade uruode chósi tome Moisés casicaite uté nanique: "Uyu u uje a yi yáyipiedie ome gosi jeta cho dajnéngu yosongaquéode jne, enga a yosõre gosi jne jeta yajéo."

Mu ujetiga baruode urásu udore ome yu ga, a yichajnárasi baruode ga yojningárasa: "¿Jé ua gosi a, jnani chá, uje banguíra babijnani aja Dupade ome babotaquéode udore? ¡Que bajnei tu gotique jetiga abotare Bamanisṍri uté! Uje jé tiógara ujetiga doi dajéode ome dajegaitique cucha." Ga a jé adi tu co orangónique uje chirórase dacóbia, mu a ca toguírase jetiga uté orátaque dacope doi ga botárirase dorangóri uté, jeta chojninga: "¿Cuchárique u gu a uje bósi tome yu?"

Jecute obiréjna uje jé Dupade juegabate cuchade ome ayoré chojmara, chojmarane uyoque iji erámone udojo. Ujetiga Dupade ajéode u jeta chosõre gosi, enga jé u uje guẽrate dosongaquei ome gosi. Mu jeta ajéo ome uñeque ga pésu uté gosi úringai ducusuréchoquí, ga uté gosi chajo raja dáyipie uajádedie qui uté.

E mu jé tiógara jeta co orangóri doi dajéode ome dajnei dachabeque arĩa. Jecute dácha orangónique ajéraso, ga chijna dachabei uté pei jeta chiro cucha onínguiji. Ga ore chañuru guio uje ore chedu cucha ujñapetai uté ome pujnusinamánone dire udore enga ujode ayoré ore cho cucha oreránguiji. Jé basa ga dácha orangóri uté ajéraso ga chijnapo dachabei uté peque uñai te rĩ ga chiro dora uje que ujñapeque go, mu gusu gaidi tu gu jetiga ujode ayoré ore chinguíraja dirode uñane, ga jé ca ore chinguíraja pujnusinamánone dire gotique.