1 Tiˊmoˊse 2 سے مشہور بائبلی آیات

شئیر

Kopti Peucawoˊ kueˊ Eun ti tonˊ yawo, saecˊ meuh nang seunaˊ Eun Peucawoˊ ri peue eˊ naˊ a kueˊ ti tonˊ. Eun meuh Yesuˊ Hkrit meuh peue naˊ Eun. Eun hkamˊ ri sum tuˊ ri naˊ meuh ngos ka kaw Eun teumˊkawm htut peue gawmˊeucˊ naˊ peue lawtpon naˊ. Eun tuilˊ saˊhkiˊ aenˊ a lih yam cawpˊ a yam ri naˊ.

Kop awnˊ na nanggalˊ ka naˊ, uiˊ sumˊ kah mi hk'oˊ munˊ, hk'oˊhk'ang, munˊ keuting ri Peucawoˊ Eun pun peue gawmˊeucˊ. Punta kaw eˊ cang kuit nyawkˊ kuit samˊran utˊ cumyenˊ hk'aˊnaee vang hkopyawmˊ ri Peucawoˊ Eun naˊ maeeˊ vang aˊyu imˊ chakˊ ri naˊ, uiˊ sumˊ kah mi hk'oˊ munˊ, hk'oˊhk'ang, sukˊseunˊ Peucawoˊ Eun pun hkunˊhawˊhkamˊ maeeˊ peue kueˊ anˊnya naˊ ce yeut.

Sumˊ kah uiˊ me utˊ ku duihˊ naˊ ce yuk tiˊ seungaˊ chakˊ ri hk'oˊ munˊ maeeˊ unˊ kueˊ ri hk'aˊ seungeuengˊ peulel maeeˊ unˊ kueˊ ri hk'aˊ htuˊhtingˊ puri. Saecˊ meuh beunˊ naˊ ce, uiˊ sumˊ kah ce naˊ cuipˊ hk'eung buih hpaw maeeˊ ti hk'aˊnaee vang tangˊ ce hpumˊ ri nyomˊ jom tem yeuh a kuingˊkon. Uiˊ hkuinˊ sumˊ kah ce glaingˊ huikˊ ri cuipˊ hk'eung hk'ilˊ, hk'eung saengˊ maeeˊ hk'eung ngos heunˊ naˊ. Daecti sumˊ kah uiˊ ce cuipˊ kuˊ chakˊ naˊ kuingˊ maeeˊ lahˊ ce ri meuh beunˊ hkopyawmˊ ri Peucawoˊ Eun naˊ.