1 Yoˊhan 2 سے مشہور بائبلی آیات

شئیر

Pawlaee leumeusˊ bhenˊ keuteˊ naˊ maeeˊ kuˊ kueˊ hk'aˊpang ka naˊ ce. Aˊnhawˊ lawn leumeusˊ bhenˊ keuteˊ naˊ koˊ, hk'aˊ leumeusˊkeus Eun Aˊkuiingˊ naˊ a hkuinˊ kueˊ hk'aˊnaee heun. Kopti kuˊ kueˊ pang bhenˊ keuteˊ naˊ gawmˊeucˊ, meuh ka taˊnhaˊ ka hk'aˊ nhamˊ keune naˊ, taˊnhaˊ ri ngaiˊ naˊ maeeˊ hpumˊ keuting ri kuˊ kueˊ kuˊ yeuh ri naˊ, aenˊ ce a hkuinˊ lih neum Aˊkuiingˊ Eun daecti a lih neum bhenˊ keuteˊ naˊ.

Bhenˊ keuteˊ naˊ maeeˊ taˊnhaˊ ka bhenˊ keuteˊ naˊ baet a ri raiˊ heulˊ, daecti peue hotˊ ri yeuh alo Eun Peucawoˊ naˊ ce kaw aˊyu imˊ cotˊcu ri.

Aˊnhawˊ lawn lahˊ ri utˊ hk'aˊnaee Heun koˊ, eun htukˊ ri aˊyu imˊ seunˊ Yesuˊ Eun yeut.

Konˊ leumeusˊ uiˊ naˊ peˊ, punta kaw peˊ unˊ yeuh mapˊ naˊ, uiˊ temˊ ri buˊ htawm aenˊ na ri peˊ. Daecti aˊnhawˊ lawn yeuh mapˊ naˊ koˊ, eˊ kueˊ nang hk'oˊ a tangˊ eˊ ri Aˊkuiingˊ Eun. A meuh Yesuˊ Hkrit Cawoˊ leupaws seumeuˊ naˊ Eun.

Aˊnhawˊ lawn lahˊ, “Yawng uiˊ Eun”, daecti eun lawn unˊ hotˊ ri yeuh kuˊ lahˊ Eun naˊ koˊ, hkawnˊ meuh eun nang chiˊlai, kuˊ leupaws seumeuˊ naˊ a unˊ kueˊ hk'aˊnaee heun.

Eˊ lawn leuceng leukahˊ Eun naˊ koˊ, eˊ yawng yawng ri Eun meulamlam ri.

Aˊnhawˊ saecˊ naˊ lahˊ ri utˊ hk'aˊnaee kuˊ cengˊ naˊ, daecti eun lawn ces ri ecˊawngˊ ri naˊ ce koˊ, kawnˊ utˊ eun hk'aˊnaee kuˊ duimˊlawng naˊ.

Aˊnhawˊ ciˊ meuh peue cang chiˊlai? Meuh a kuˊ unˊ rap ri ti Yesuˊ meuh Eun Hkrit naˊ eun. Peue yeuh keutitˊ naˊ meuh eun ransu Eun Hkrit. Eun tecla Aˊkuiingˊ Eun maeeˊ Konˊ aiˊ Eun.

Peue tecla Konˊ aiˊ naˊ Eun, unˊ kueˊ eun Aˊkuiingˊ. Peue rap ri ti Konˊ aiˊ naˊ Eun, eun ku kueˊ Aˊkuiingˊ yeut.