قصة النبي موسى - الخروج 13 سے مشہور بائبلی آیات

شئیر

وكانت تجليّات الله تعالى تمشي إدّامُن بالنهار، عشكل عامود متل غيم تَيدلّهُن عالمسار، وبالليل بعامود من نار، تَينوِّرلُن دربُن، وهيك كفّوا المشوار. وما رفَع سبحانُه عن الشعب لا عامود الغيم بالنهار، ولا بالليل عامود النار.

ولمّا سمح فرعون لبني يعقوب من مصر أنُّن يضهروا، الله سبحانُه ما دلُّن بني عالطريق الساحليّة، مع إنّها الطريق الأقرب لأرض الكنعانيين، لأنّه "رح يندموا إذا تعرّضوا لأيّ حرب، ويرجعوا عمصر." هيك قال ربّ العالمين.

لهيك قادُن سبحانُه عطريق بالصحرا صوب البحر الأحمر، وكان شعب بني يعقوب منظّم أفواج أفواج لما ترك مصر وضهَر.