Mattheos 28 سے مشہور بائبلی آیات

شئیر

Heon etanhan ya po, oyate kin owasin waonspewicakiya po, qa Ateyapi, Cinhintkuyapi, qa Woniya Wakan kin caje on baptem wicaqu po; Qa taku tona econciśipi kin owasin yuhapi kta e onspewicakiya po. Unkan iho, anpetu owasin cicipi waun, maka owihanke kin hehanyan. Amen.

Unkan Jesus en wicahi owawicakiye c̣a heya; Maḣpiya ekta qa maka akan wowaśake ocowasin maqupi

Unkan maḣpiya ohnihde kin he waayupte c̣a winoḣinca kin hewicakiya; Niye kokipapi śni po; Jesus icipaweḣ okatanpi qon he oyadepi sdonwaya: Den un śni; wanna ihduekicetu, heye ciqon iyececa: Kuwa po, Itancan kin wanke ciqon he wanyaka miye.

Hehan hewicakiya; Kopehdapi śni po; mihunkawanji owicakiyag ya po, Galile ekta yapi kta; heciya wanmayakapi kta ce.

Unkan hena witaya mniciyapi, wicaḣincapi ko om, qa he akiiapi, hehan akicita mazaska ota wicaqupi; Qa heyapi; Unkiśtinmapi icunhan waonspewicakiye cin hanyen hipi qa manon icupi ce, eya po. Unkan he wicaśta itancan kin naḣon kinhan, unkiye ceunkiyapi kta, qa anaunnicikśinpi kta. Hecen mazaska kin icupi, qa token onspewicakiyapi kin iyecen econpi; heon wicoie kin he Juda oyate kin en oyakapi ece, anpetu kin dehanyan.