मीका 4 سے مشہور بائبلی آیات

شئیر

सारे राज्याँ के माणस तो अपणे-अपणे देवता का नाम लेकै चाल्‍लै सैं, लेकिन हम अपणे परमेसवर यहोवा का नाम लेकै सदा सर्वदा चाल्दे रहवांगे।

अर घणी जात्तां के माणस जावैंगे, अर आप्पस म्ह कहवैंगे, “आओ, हम यहोवा के पहाड़ पै चढ़कै, याकूब के परमेसवर के भवन म्ह जावां; फेर वो म्हारे ताहीं अपणे राह सिखावैगा, अर हम उसके रास्तयां पै चाल्‍लैगें।” क्यूँके यहोवा के नियम-कायदे सिय्योन तै, अर उसका वचन यरुशलेम तै लिकड़ैगा।

अन्त कै दिनां म्ह इसा होवैगा के यहोवा के भवन का पहाड़ सारे पहाड़ां पै मजबूत करया जावैगा, अर सारी पहाड़ियाँ तै घणा ऊँच्‍चा करया जावैगा; अर सारी जात्तां के माणसां नै धारा की तरियां उसकी और चाल्‍लैगें।

वो घणे देशां के माणसां का न्याय करैगा, अर दूर-दूर तक की ताकतवर जातियाँ के झगड्या नै मिटावैगा; इस करकै वे अपणी तलवार पीटकै हळ के फाळ, अर अपणे भाल्यां तै दात्ती बणावैंगे; फेर एक जात्ति दुसरी जात्ति कै खिलाफ तलवार ना चलावैगी