निर्गमन 31 سے مشہور بائبلی آیات

شئیر

“सुण, मै ऊरी के बेट्टे बसलेल नै, जो हूर का पोत्ता अर यहूदा कै गोत्र का सै, नाम लेकै बुलाऊँ सूं। अर मै उसनै परमेसवर की आत्मा तै जो बुद्धि, प्रवीणता, ज्ञान, अर सारी ढाळ के काम्मां की समझ देण आळी आत्मा तै भरपूर करुँ सूं, जिसतै वो कारीगरी के काम बुद्धि तै लिकाड़-लिकाड़ कै सारी ढाळ की बणावट म्ह, यानिके सोन्‍ने, चाँदी, पीत्तळ म्ह, अर जड़ण कै खात्तर मणि काटण म्ह, अर लाकड़ी पै नक्‍काशी का काम करै।

“तू इस्राएली माणसां तै यो भी कहिये, ‘जरुर थम मेरे विश्रामदिनां नै मानियो, क्यूँके थारी पीढ़ी-पीढ़ी म्ह मेरै अर थारे बीच म्ह यो एक निशान ठहरया सै, जिसतै थम या बात जाण ल्यो के यहोवा परमेसवर म्हारा पवित्र करण आळा सै।

वो मेरै अर इस्राएलियाँ कै बीच म्ह सदा एक निशान रहवैगा, क्यूँके छः दिन म्ह यहोवा नै अकास अर धरती ताहीं बणाया, अर सातमै दिन आराम करकै अपणा जी ठण्डा करया।’”