Senesi 8 سے مشہور بائبلی آیات

شئیر

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai. I le temi katoa leia e tuu ai loa le malama nei, ko le temi muluki o le fakaili mo lona temi tau, le momoko mo le vevela, le temi nive mo le temi mafana, le ao mo le pouli, e leaise lotou toe gato loa.

Na fakatuu loa e Noe se aletale ki le Eteleno ; ti na too loa e ia ni manu i manu mea fuli mo manu lele mea fuli, ti na momoli loa e ia ni failaulau i le aletale.

Na manatui loa e le Atua a Noe, mo manu fuli, mo manu fekai, mo manu lalata fuli ala na nofo mo ia i le aleka ; ti kakau loa e le Atua se matagi ke agi ki aluga o le malama nei, ti na kamata ifo loa le vai ki lalo.

Na toe liliu ake loa le lupe kiate ia i le afiafi ; ti ko leinei, na uuti e ia i lona gutu se lau olive. Na iloa loa e Noe kua mavae le vai i aluga o le kele.