Lókasɛ 3 سے مشہور بائبلی آیات

شئیر

Naá nnyimé ya boɛ́nɔ buimée go béyuminye, Yésusu tɔ́nɔ a báá béyumínyée. Naá gɛcamɛna gɛ́ɛgɛ a mbaá lɛ a bósógolonyo, mmoɛná go bébuune. Gimmúmpúu gá Giliíli go mo siisene, gɛ́ núunenine naá nnyɔ́dɔ aŋa yɛ́ɛyɛ ya mmɛŋá, ukelú go ɛ́da go úle naá mmoɛná yó amɔ́: «O lɛ́ Moɔnɔ́ bamɛ ba odɛ́má, bɛyaŋa bámɛ biimée bɛ́ lɔ́mɔ́ naá maamɔ́ɔ.»

Gɛ́hɛ́ go gɔ́lɔ dogálɔ go bó oyana a amɔ́: «Yɔmɔ́ɔ nnyó yumeninye na miimpo, kanɛ́ mɔtɔ mɔ́ɔnyɔ a lɔ́mɔ́ na bogaaga a tómbana u úlene, cɛ háánánáa naá odɛ́nɛ́ yá go fulune nuelí ná nnaadɛna sɛ́hɛ́. Mɔ́ɔ, a ná nyó yumeninyemú naá Gimmúmpúu gá Giliíli na íyuke.

Dúfényée kanɛ́ nɔnɔ na meŋiigíe má bese, bó loodio goŋaá no á núgíe gɛɔyɔ gɛ́nyɔ́. Kanɛ́, no do ɛ́dá go bágálɛnagalɛna naá odɛ́má no amɔ́: “Ábalaháma a lɛ́ isée kɔ́nɔ́ɔ bɛcɔ́.” Ɛɛ́ɛŋ, ŋgaá nyó oyáná caá, Asaŋa a lɛ́ ba go gɔ́lɔ adánɛ́ yáaya, yá ɛ́ya baaná bá Ábalaháma.

Moánɛ, iléŋú hɛ́ ná lɛ́ mekúígíi go go sómba ɛŋaŋá ya mɛɛ́tɛ; boɛ́tɛ buimée bɔ́ɔbɔ bó lɔ́mɔ́ bó do úmée bɛnɔ́gɔ́ bá bɛsamɔ́ bá bó sómba, bá bó nɔɔ naá íyuke.»

Aŋa bó lɔ́mɔ́ ɔ́ŋɔ́ɔlú naá kálata ya mbúsí ya Asaŋa Iseyíi goŋaá: «Ukelú yá mɔtɔ yó dónogogana naá giolóo gá bodɛ́agadɛ́ yó amɔ́: “Gedégédíe nɔnɔ pɛ́ ya Daadáa, bónónáa nɔnɔ ŋŋɛndɛ́ná sɛ́hɛ́”.» Gídée nɔnɔ dufendu duimée, no sile ɛgɔndɔ iŋkimée na bɛɛnɛ biimée, bónónáa nɔnɔ mbónóŋgolío iŋkimée sá bɛbala, no yɛ́ya bɛgáda bá pɛ́; gɔ́ɔ mɔtɔ uŋkimée a ŋgɛɛ́ ɛ́ná aŋa Asaŋa a có sódonyomú.