OŌYƐBƐ̄CƐ 2 سے مشہور بائبلی آیات

شئیر

Anɔ́ɔ Ɔwɔicō le ikwū nēé je yɔ̄ ī hīla ayínū ā pó, anɔ́ɔ ó le blakwu okónu nōó nɛ̄ ó ce lɛ Ébrahām, mla Áyísīki mla Ujékɔ̄pu āa. Ɔwɔicō le ɔfiyɛ nēé bá gē cɛ̄ ā má, anɔ́ɔ ó le kwú ɔ̄ iyē lɛ uwá.

Iháyí alɛwa igbīhi ɛ̄nyā ā, ɔcɛ́ kú Íjīpiti ā gekwú. Amáŋ, ayí kú Ísrɛ̄lu ā bá ī hīla ayīnu ipú ōwē kú úklɔ́ ɔfiyɛ nēé bá ī yá ā, anɔ́ɔ é le ikwū je klá Ɔwɔicō kóō tá uwā abɔ̄. Anɔ́ɔ Ɔwɔicō le ikwū nēé je ā pó á.

Eko nɛ̄ ó le ɔyí ā bī jɛ̄ ā, ó lɛ ɔ́ bī gé lɛ adá kú Uféro ā. Anɔ́ɔ ó kwú pīya ɔyí kú adá kú Uféro á. Ó hī iyē kú ɔyí ā ka “Umósīsi.” ohígbū ka, ó kahíníī, “N pi ɔ́ bɛ̄cɛ ŋmá ipú éŋkpɔ̄.”

Anɔ́ɔ adá kú Uféro ā da ɔnyā ā kahíníī, “Kwú ɔyí nyā ú nyɔ̄, ká ā lɛ ɔ́ bī jɛ̄ gā um. N géē cíla uwɔ ulé. Anɔ́ɔ ɔnyā ā kwú ɔyí ā ú kóō bī ɔ̄ jɛ̄ á.

Adá kú Uféro gā ɔkpá gaá gwīiyē, anɔ́ɔ ācocɛ̄hɔ̄ kú nū bá okónu ɔkpá ā biílí. Igbeékpónú ó pīyeyī le ómbilí nōo háyi ipácí okónu ɔkpá ā má, anɔ́ɔ ó le ɔ̄cocɛ̄hɔ̄ kú nū éyi tɛ̄hɔ̄ kóō nyɔ̄ í kwú ɔyí ā ú wā.

Eko nɛ̄ Umósīsi le jɛ̄ ā, ɛ̄cī éyi, ó le yɛ ga ɛcɛ, ɛgiyí ācɛ ɔlɛ́ nū, ācɛ Uhíbru, anɔ́ɔ ó má ɛgɛ́nɛ̄ é bá ī pi uwá abɔ̄fú kéē yúklɔ́ olɔfú ā. Ó kōō má ɛ́gɛ́nɛ̄ ɔ̄cɛ Íjīpiti éyi yɔ̄ ī ŋmó ɔ̄cɛ Uhíbru kú ɔlɛ́ Umósīsi éyi ijē lɛ ā. Anɔ́ɔ Umósīsi pīyeyī má amu má anú, abɔ̄ ó má ɔ̄cɛ dúúmā ŋ́ mā, ó le ɔ̄cɛ Íjīpiti ā ŋmó, kwú ɔ̄ ú nyi ipú ɔjɛ.