OŌYƐBƐ̄CƐ 11 سے مشہور بائبلی آیات

شئیر

Anɔ́ɔ Óndú ā da Umósīsi kahíníī, “N géē yá Uféro mɛ́mla ācɛ ɔlɛ́ nū italā éyi kpɔ́. Igbīhi ɛ̄nyā, cɛ́ɛ́ ó mā aá tá kú aá nyɔ̄. Á kú ɔ̄kwɔ̄ɔ̄kwɛ̄yi ā, anú abɔ̄yī nū gáā nū aá bɛ̄ɛ̄cɛ ŋmá amānyā á.

anɔ́ɔ ɔdúúdú ayínɔ̄nyīlɔ aflɛ́yí kú ācɛ kú Íjīpiti dóódu nēe bá ajɛ kú Íjīpiti ā géē kwú. O ŋmá ɔyínɔ̄nyīlɔ aflɛ́yí kú ɔcɛ́ ā nōo gáā lúgwū ɔcɛ́ kú ádā nū ā, jāā gaá kwu ɔyínɔ̄nyīlɔ kú ɔfiyɛ nōo gē gbā īkpɔ̄dā ā. Ayí aflɛ́yí nɛ̄ aɛ́na ma ā géē pɛ́ kwú dúú. Ācɛ géē yɔ̄ ī jikwú gbōmgbōm ɛga dóódu kú ajɛ kú Íjīpiti, nɛ̄ ɛdɔ nū í yɔ̄ jééjéē ɛ́ɛ́ ŋ́, nɛ̄ ɛdɔ nū í klla gáā yɔ̄ igbɔhá ɛ́ɛ́ gɛ ŋ́.

Anɔ́ɔ Óndú ā da Umósīsi kahíníī, “Uféro í gáā jāhɔ̄ lɛ aá ŋ́, cɛ́ɛ́ kú úklɔ́ ōhídáagó kú um ā kóō le nyīla ajɛ kú Íjīpiti.”