Maafiù 28 سے مشہور بائبلی آیات

شئیر

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ, e kìlà niŋ kaà nyiŋ wèè aŋ jɔɔlɔ̀ e yèɛ gbiŋ mìŋ naiŋ kaà lɛ dìì. Yèè mìŋ doiŋ nàŋ nɔ̀ŋ maŋjɛ̀wɛ e teenga gbiŋ, e jèesùà e hàì ko dìà e ɗuunyaàŋ.”

Wo Jisɛ̀ naŋ nyiŋ bɔ̀mɔ̀ŋ kɔɔ wò naŋ nyiŋ woò wààŋ, “E gààaŋ gbiŋ ko àìjɛnɛ̀ŋ yèè e ɗuunyaàŋ è nɔ̀ŋ kìɛŋ niŋ ko nɛ̀ɛ̀ŋ miìŋ.

Kpeiŋ wo màikàa naŋ wòò aŋ jɔùŋ nyaŋ wààŋ, “E jùù ɓɔ̀ è nyɛ̀nɛ̀iŋ. Kà nyìmàŋ kɛ̀ nìŋ yaà kààmè wo Jisɛ̀, wo yèɔ àŋ naŋ daai jìwìyè wɔŋ vànèkpaaà diɛŋ wɔ̀. Wo fè kià. Wo Dayà wòuŋ gè e fàaà dìì wɔŋ nyiiŋ gèeɔ̀ sùà, màànààŋ nɔŋ wò naiŋ wa woò lɛ. Hnàaìŋ niŋ yɛmɛ̀, kià àŋ nauŋ daai heè.

Wo Jisɛ̀ naŋ nyiŋ woò wààŋ, “E jùù ɓɔ̀ è nyɛ̀nɛ̀iŋ. Kɔ̀aìŋ niŋ woò aŋ wùìyaim nyàŋ kɛ̀ aŋ ka ko Galaliì, kuŋ àŋ doim nàŋ yɛmɛ̀.”

Aŋ kànà sìèfèìŋ zòòlo nyàŋ naŋ mɛ̀ɛ̀ŋ aŋ màmànkùmɛ̀ŋ fuɔɔ̀ŋ e dèène sùà yèè àŋ naŋ kɛ̀ɛ̀nɛ̀ŋ e ɗèwe, e kìlà àŋ naŋ kìɛ̀ŋ aŋ kààlòòɗùà nyaŋ e nɛɛnɛŋ kpɔɔ̀ ke gòò dùùm sùà yèè àŋ naŋ nyiŋ woò nyààŋ, “Wòoìŋ anyùùŋ nyaŋ nààŋ, ‘Anyùùŋ màŋjɛ̀wɛ̀uŋ nyàŋ naŋ hnè e dùùm àŋ naŋ wùò e dieɛ̀ e teengaà è yààìŋ maŋ jàwè lɛ.’ Yèè sèè wo kànà fuɔɔ̀ŋ kòmò niìŋ, è do niŋ nàŋ kìlè e nɔ̀ŋ tɔ̀ɔ̀nyaàŋ ko nɛ̀ɛ̀uŋ niìŋ wèè niŋ gò nàŋ kɔ̀ è mɔ̀ɔ̀nɛŋ gbiŋ dìì.” Aŋ kààlòòɗùà nyaŋ naŋ ɓèmè e nɛɛnɛɛ̀ŋ yèè àŋ naŋ nyɛ̀nɛ̀ŋ e yèɛ àŋ naŋ nyiŋ woò wèè aŋ nyɛ̀nɛ̀ŋ lɛ. Ke kàɓanè yɛɛ̀ naŋ nɔ̀ŋ ɓààye nyiŋ aŋ Juùù nyaŋ gbiŋ tɛɛ e teenga lii e hàì ke ɗɔɔ yɛɛ̀ nàaŋ.