ၥ မိ 49 سے مشہور بائبلی آیات

شئیر

စဎွၩအနိၪထိၭဘီၩ့ လစဲၪ့ထၪ့ဘၪ လၧယုဒၫအအီၪ, ၦပၧၩ့ဆၧအနိၪထိၭဘီၩ့, လစဲၪ့ထၪ့ဘၪလၧအခၪ့ဆူၭ, ထီးၡဲလိၫဂဲၫထီၩ့, တၭၦခမျၧးမိအီၪကီၪ့လၧအအီၪ

စယိၥၭမွဲထဲၩ့ၥၪထၪ့အၪတၭ, အထဲၩ့လဖၪထၪ့လၧခိၪဒၧၩ့အလီၩ့, ဖျါအကဆါၥံၪမၩဆၫအဝ့ၫဒၪအၥၭ, အဝ့ၫၥံၪခၭဒဲမၩၡၪ့မၩနၭ အဝ့ၫဒၪလီၫ.

လါနၫ့အဝ့ၫနီၪ အချံၪအီၪခၧၫ့ဒၪဆၧ, တၭအစူၪအစူၪဒူၪအီၪ လၧအဂဲးအဘၭ, လၧစယၫကူၭအဆၧဆီၪ့လဂၩအစူၪ, လၧၦယိၥိၪလဂၩ, အံၫစရ့လၭအလိး, လၧနဖါအယွၩ လၧအမိမၩဘိၭမၩဆၧၩ့နၧၩ, ဒဲလၧဆၧၥ့ၪဆၧလူၬ လၧအမိဆိၪဂ့ၩနၧၩ လၧမူၭခိၪ လၧထၭလခီၫ အဆၧဆိၪဂ့ၩလဖၪ. ဆၧအယိၬဖၧၩ့ လၧလၬလခီၫ အဆၧဆိၪဂ့ၩ, နူဒဲဒၧၩ့လး အဆၧဆိၪဂ့ၩလီၫ.

စယုဒၫဧ့, နဝ့ၫယီၩနထၧၫ့ဖုဝဲမိစံၭထၪ့အၪ့အူၭနၧၩ, နစူၪမိအီၪလၧနဒုၪနဒၩအခိၬလီၩ့, နဖါအဖိၪလဖၪမိကူၭလၩ့အၥၭ လၧနမ့ၬယၫလီၫ. စယုဒၫမွဲဆၬလၥၧၫ့အဆံၭလဒုၩ, လၧဆၧအဲၪ့ၥံၫဝ့ၫနီၪနစဲၪ့ထၪ့ခွံၬယူၭ, ယဖိၪခွၫဧ့, ကူၭလၩ့နၥၭ, ခိၬလၩ့ဝ့ၫဘဲၫဆၬလၥၧၫ့အၥိၭ, တၭဘဲၫဆၬလၥၧၫ့မိအၥိၭ, မွဲပလၫမိကိၭဂဲထုၪ့အဝ့ၫ လဂၩလဲၪ.

စရုဘံၫ့ဧ့, နမွဲယဖိၪဝဲၡါ, ယဂဲးယဘၭဒဲယဆၧဆီၪ့ထၪ့အခၪ့ထံၭ, ဆၧလၧအထၪ့ထီၫအထုၬ, ဒဲဆၧအစီၩ့အမၩ့အဒိၪထုၬ, လၬထၪ့လၩ့ခုၭဘဲၫထံၫအၥိၭ, နဂ့ၩနဘၪဒံၭအ့ၬ. မွဲနထၪ့လၧနဖါအလးမံၫအဂဲး, တၭနမၩဘၪၥၭလိၪစံၪစၪဆၧ, ထၪ့လၧယလးမံၫဒၩ လီၫ.