II KORINTA 9 سے مشہور بائبلی آیات

شئیر

Lan Gusti Allah kuwaos ngluberake sawernaning sih-rahmat marang kowe kabeh, supaya kowe padha tansah kacukupan ing samubarang lan padha linuwiha anggonmu nglakoni sarupaning panggawe becik.

Saben wong pawewehe dikaya kang dadi rilaning atine, aja kanthi sedhih utawa marga kapeksa, awit Gusti Allah iku ngasihi wong kang pawewehe kanthi suka-rila.

Iki gatekna: Wong kang nyebar sathithik, bakal ngeneni sathithik, lan wong kang nyebar akeh, bakal ngeneni akeh.

Panjenengane kang nyawisake winih kanggo kang nyebar, lan roti kanggo pangan, iku uga bakal nyawisi winih marang kowe lan ditikelake sarta nuwuhake pametuning kabeneranmu; kowe bakal disugihake ing sarupaning kamurahaning ati kang nuwuhake pangucap sokur konjuk marang Gusti Allah marga saka aku.

Puji sokur konjuk marang Gusti Allah marga saka sih peparinge kang ora kena winirasa iku!