Juan 21 سے مشہور بائبلی آیات

شئیر

Uncheeꞌ aatz maꞌtich tek motx veet itxꞌaꞌneꞌ, tal u Jesuus tu u Xhim ech tzaꞌ, ayaꞌ u Luꞌ: —Xhim, ikꞌaol Jonaas, ¿tiira tzꞌejel chixh avaanima viꞌ vatz qꞌuꞌl tziꞌ?— Texh te. Utz tzaqꞌbꞌel tu u Luꞌ ech tzaꞌ: —Eeꞌ unBꞌaal, ootzajle tiira nunsaꞌaxh.— Texh te. Tal u Jesuus te ech tzaꞌ: —Liil qꞌu chꞌooaj niman vetz tziꞌ uncheeꞌ; xee echaꞌ karneꞌl.— Texh te. Qꞌaav paj chit tal te ech tzaꞌ: —Xhim ikꞌaol Jonaas, ¿tzꞌejel chixh avaanima viꞌ?— Texh te. Tzaqꞌbꞌel tu u Luꞌ ech tzaꞌ: —Eeꞌ unBꞌaal, ootzajle tiira nunsaꞌaxh.— Texh te. Tal te ech tzaꞌ: —Liil qꞌu chꞌooaj niman vetz tziꞌ uncheeꞌ; xee echaꞌ karneꞌl.— Texh te. Utz tal tepaj u Jesuus te titoxpaj ech tzaꞌ: —Xhim ikꞌaol Jonaas, ¿ni tzik asaꞌin?— Texh te. Pek aatz u Luꞌ, txumun tek tiꞌ tan, itoxpaj tek ichꞌotil te aas nojchixh nisaꞌa. Ech itzaqꞌbꞌe tek u Jesuus ech tzaꞌ: —UnBꞌaal, axh ootzajin tetz qꞌu kam kajayil utz, ootzajle aas nojchit nunsaꞌaxh.— Texh te. Utz tal u Jesuus te: —Liil qꞌu chꞌooaj niman vetz tziꞌ uncheeꞌ; xee echaꞌ karneꞌl.

Tan niꞌxhtekꞌval see aatz axhich txul aanima, taꞌn aꞌ nabꞌan uucheꞌ utz, nabꞌenaꞌ til asaꞌ. Pek aatz saqꞌesbꞌaxh, paarten tek sabꞌanon uucheꞌ. Utz siꞌiqꞌolbꞌenaxh tu vaꞌl kꞌuxh yaꞌsaꞌ bꞌenchil tuul.— Texh te.

Tal u Jesuus te ech tzaꞌ: —Aqꞌtaj koꞌp vekꞌach tisebꞌalil u jukubꞌ tziꞌ. Ech seteesa jeꞌul etxay.— Texh te. Ech motx taqꞌtu koꞌp u kꞌach tu aꞌ. Utz sibꞌla txay ok tuul. Aal yeꞌ nichmotxitii veꞌt tiqꞌol jeꞌul u kꞌach tu aꞌ.

Utz tal u Xhim, vaꞌl Luꞌ ibꞌii majte: —Seꞌnveesa txay.— Texhtuꞌ. Utz tal qꞌul imol te ech tzaꞌ: —Sabꞌenoꞌ saiꞌ majte.— Texhtuꞌ. Ech motx ibꞌenaꞌ. Ok tu maꞌl u jukubꞌ. Loqꞌ nikoꞌxh maꞌj txay teesa tu u aqꞌbꞌal tziꞌ.