- रोमियों 3 سے مشہور بائبلی آیات

شئیر

कायसे सबरन ने पाप करो और परमेसुर की मईमा से न्यारे आंय। परन्त ऊ की दया से ऊ छुटकारे के द्वारा जौन मसीह यीशु में आय, सेंत मेंत धरमी ठैराए जात आंय।

जाने के परमेसुर की बो धार्मिकता, जौन यीशु मसीह पे बिसवास करबे से सबरे बिसवास करबेवारन के लाने आय; बात पूरी उजागर आय लुकी छिपी नईंयां।

उए परमेसुर ने ऊके रकत के काजें एक ऐसो दाम ठैरा दओ, जौन बिसवास करबे से काम करत आय, कि जौन पाप पेंला करे गए, और परमेसुर ने सहनकर उन पे गौर नईं करो; उन के लाने बो अपनी धार्मिकता उजागर करे। और अबई ऊकी धार्मिकता उजागर भई; जीसे बो आपई धरमी ठैरे, और जौन यीशु पर बिसवास करे, उन को सोई धरमी ठैराबेवारो होय।

कायसे नैम व्यवस्था के अनसार चलबे से कोऊ प्रानी ऊके सामूं धरमी न ठैर है, ई लाने कि नैम व्यवस्था के द्वारा पाप की पहिचान होत आय।

जैसो लिखो आय, कि कोनऊं धरमी नईं, एकऊ नईं। कोऊ समजवारो नईंयां; कोनऊं परमेसुर कौ खोजी नईंयां। सब भटक गए आंय, सब के सब निकम्मे बन गए, कोऊ भलाई करबेवारो नईंयां, एकऊ नईंयां।

ई लाने हम ई बात पे पोंचत आंय, कि मान्स नैम व्यवस्था के कामन से बिना बिसवास से धरमी ठैरत आय।

बिलकुल नईं, बलकी परमेसुर सांचो और सबरे मान्स लबरे ठैरें, जैसो लिखो आय, जीसे तें अपनी बातन में धरमी ठैरे और न्याय करत समय तें जय पाए।