- मरकुस 16 سے مشہور بائبلی آیات

شئیر

और यीशु ने चेलन से कओ, तुम पूरी दुनिया में जाके, सबरे संसार के लोगन हां भलो संदेसो परचार करो।

और बिसवास करबे वालन में जे निसानी हुईयें कि बे मोरे नाओं से बुरई आत्मन हां निकाल हैं। नई नई भाषा बोल हैं, सांपन हां उठा लै हैं, और अगर बे जहरीली चीज पी जाएं तौभी उनकी कछु हानि न हुईये, बे बीमारन पै हाथ धर हैं, और बे ठीक हो जै हैं।

जो बिसवास कर है और बपतिस्मा लै है ओई को उद्धार हुईये, लेकिन जो बिसवास नें कर है ऊ दोषी ठहराओ जै है।

और चेलन ने निकल के हर जांगा परचार करो, और प्रभु उनके संग्गै काम करत रओ, और उन चिन्हों के द्वारा जौन संगै संगै होत हते, बचन हां पक्को करत रओ। आमीन।

ऊ ने उन से कओ, चकित न होओ, तुम यीशु नासरी हां, जौन क्रूस पै चढ़ाओ गओ हतो, ढूंढ़त आव: ऊ जिन्दा हो गओ आय; इतै नईंयां; तको, जा ओई जांगा आए, जहां पै उन ने ऊहां रखो हतो।

जब उन ने आंख उठाई, तो तको पथरा लुढ़को भओ आय! कायसे ऊ भौत बड़ो हतो। और कबर के भीतर जाके, उन ने एक जवान हां सफेद उन्ना पैरें भए दांएने कोद बैठो तको, और भौत चकित हो गईं।