- मत्ती 15 سے مشہور بائبلی آیات

شئیر

पर जो मों से कड़त आय, बो मन से कड़त आय, और बो मान्स हां अशुद्ध करत आय। कायसे बुरए सोच, हत्या, व्यभिचार, भड़याई, लबरी गवाई और निन्दा मन से कड़त आय।

जो मों में जात आय, बो मान्स हां अशुद्ध नईं करत, पर जो मों से बायरें कड़त आय, बो मान्स हां अशुद्ध करत आय।

कि जे लोग होंठन से तो मोरो मान करत आंय, पर इन कौ मन मोसे दूर रहत आय। और जे बेकार मोरी भक्ति करत आंय, कायसे मान्सन की रीतियन हां धरम के बचन बता के सिखात हैं।

तब यीशु ने कई, ऐ बईयर, तोरो भरोसा बिलात आय: जैसो तें चाहत आय, वैसई तोरे लाने होबै; और ऊ की बिटिया तुरतईं साजी हो गई।

पर बो आई, और परनाम करके कहन लगी; हे पिरभू, मोरी मदद कर। ऊ ने ऊसे कई, लरका बिटियन की रोटी लैके कुत्तन के आंगू डारबो साजो नईंयां। ऊने कई, सांची आय पिरभू; पर कुत्ते भी तो मालक की मेज से गिरो भओ चूरचार खात आंय।