- योना 4 سے مشہور بائبلی آیات

شئیر

फिन ऊने यहोवा परमेसुर सें जा कहकें बिन्‍तवाई करी, “हे यहोवा परमेसुर जब मैं अपने देस में हतो, तब का मैं जाई बात नें कैत हतो? ऐई कारन तोरो हुकम सुनतईं तर्शीश हों भग जाबे के लाने फुरती करी; कायसे मैं जानत हतो कि तें दया करबेवारो और दयालु यहोवा परमेसुर आय और अबेर सें खुन्‍स करबेवारो, दया कौ सागर आय और दुख देबे सें खुस नईं होत, दुख दैबे की बेरा में अपनो हिया बदलबेवारो आय।

तब यहोवा परमेसुर ने कई, “जौन अरंड़ी के पेड़ के लाने तेंने कछु मेंनत नें करी, नें ऊहों बढ़ाओ, जौन एकई रात में भओ हतो और एकई रात में नास सोई हो गओ; ऊपै तेंने तरस खाई आय। फिन जौ बड़ो नगर नीनवे, जीमें एक लाख बीस हजार सें जादा मान्‍सन आंय जो अपने दायने और बांए हाथ कौ भेद लौ नईं पैचानत और बिलात पसु सोई ऊमें रैत आंय, तौ का मैं ऊपै तरस नें खाओं?”