Жакан 19 سے مشہور بائبلی آیات

شئیر

Ыйса аны татып көрүп: – Аткарылды! – деди да, башы шылк этип, жан берди.

Ыйса бардык тийиштүү нерселердин ордуна келгенин билип, Ыйык Жазуудагы сөздүн ырасталышы үчүн: – Суусадым, – деди.

Ыйса энеси менен анын жанында турган, өзгөчө жакшы көргөн шакиртин көргөндө, энесине: – Эми мынабу сиздин балаңыз болсун! – деди. Андан кийин шакиртине: – Эми бул аял сенин энең болсун! – деди. Ошол сааттан баштап шакирти Ыйсанын энесин өз үйүнө алды.

Ыйсага келишип, Анын өлүп калганын көргөн соң, шыйрагын сындырышпады. Бирок жасоолдордун бири Ыйсанын бооруна найзасын малып алды. Ошол замат кан менен суу чыкты.

Ыйык Жазуудагы «Анын бир да сөөгү сынбайт!» деген сөз орундалууга тийиш эле, ошол үчүн ушундай болду. Ыйык Жазуулардын дагы бир жеринде: «Алар өздөрү сайып салган кишини көрүшөт» деп жазылган.

Ал Өз айкаш жыгачын Өзү көтөрүп, шаардан чыкты да, «Баш сөөк жайы» деген жерге карай бет алды. Бул жердин эврейче аталышы – Голгота.

Бир топ жоокер тикенектен таажы жасап, Ыйсанын башына кийгизишти да, кочкул кызыл чапанды желбегей жабышты.