Romabi 6 سے مشہور بائبلی آیات

شئیر

Ejakaa yayami dɛ mi hiɔwe ɔ gbenɔ ʼi; se Mawu dloomi nike ni ɔ neneene wami ʼi ngɛ Kristo Yesu wa Nyɔmtsɛ ɔ mi.

Ejakaa yayami be nyɛ nɔ he wami nae, ejakaa pi mlaa sisi nɛ nyɛ ngɛ, se mohu dloomi sisi nyɛ ngɛ.

Lɔ ɔ he ɔ, a kɛ baptisimi nɛ a baptisi wɔ ngɔ wo e gbenɔ ɔ mi ɔ pu waa kɛ lɛ tsuo, konɛ kaa bɔ nɛ a tle Yesu si kɛ je gbeje ngɛ Tsɛ ɔ hɛ mi nyɛmi nya a, ja nɔuu kɛ wɔ hu waa nyɛɛ ngɛ wami nɛ plɛ ehe mi.

Nɛ jeha nɛ ɔ nyɛ ko ngɔ nyɛ he ni ɔmɛ ngɔ ha yayami kaa ni yayami ɔmɛ a tahwumi nihi, se mohu nyɛɛ ngɔ nyɛ he ngɔ ha Mawu kaa ninɛmɛ nɛ a hɛ tsɛ kɛ je gbeje, nɛ nyɛɛ kɛ nyɛ he ni ɔmɛ nɛ pee dami tahwumi nihi ngɔ ha Mawu.

Wa le enɛ ɔ kaa a sɛu wa nɔmlɔ tso momo ɔ ngɔ piɛ e he konɛ yayami nɔmlɔ tso ɔ hɛ mi nɛ kpata nɛ wa ko sɔmɔ yayami hu.

Ja nyɛ hu nyɛɛ bu nyɛ he kaa nihi nɛ a gbo ha yayami nɛ a hɛ ngɛ kɛ ha Mawu ngɛ Yesu Kristo wa Nyɔmtsɛ ɔ mi.

Lɛɛ kɛ wa ma de kɛɛ? Waa hi yayami ɔ mi konɛ Mawu dloomi nɛ hiɛ lo? Dɛbi! Wɔ nɛ wa gbo ngɔ ha yayami ɔ, kɛ maa pee kɛɛ nɛ wa hɛ maa tsa nɔ hi ngmengmle ngɛ e mi?

Anɛ nyɛ li kaa nɔ nɛ nyɛ ngɔɔ nyɛ he ngɔ peɔ nyɔguɛhi haa nɛ nyɛ buɔ lɛ tue ɔ, lɛ nɔuu e nyɔguɛhi ji nyɛ nɛ nyɛ buɔ lɛ tue ɔ lo? — yayami nɛ kɛ nɔ yaa gbenɔ mi ɔ jio, loo tuebumi nɛ kɛ nɔ yaa dami mi ɔ jio.

Se sina ha Mawu kaa jinɛ sa a yayami nyɔguɛhi ji nyɛ, se jeha nɛ ɔ nyɛ je nyɛ tsui tsuo mi kɛ bu kikɛmɛ a tsɔɔmi nɛ a ngɔ nyɛ ngɔ wo mi nɛ ɔ tue. A kpɔ nyɛ kɛ je yayami dɛ mi nɛ nyɛ ye nyɛ he nɛ nyɛ plɛ dami nyɔguɛhi.