Marko 8 سے مشہور بائبلی آیات

شئیر

Ejakaa nɔ tsuaa nɔ nɛ suɔ kaa e baa e klaa yi ɔ, e maa laa lɛ; se nɔ nɛ laa e kla ngɛ imi kɛ sane kpakpa a he ɔ, e ma he e klaa yi wami.

Mɛni se nɔmlɔ naa, ke e nine su je ɔ kulaa nɔ nɛ e hɛ mi kpata a?

Nɛ benɛ Yesu tsɛ asafo ɔ kɛ e kaseli ɔmɛ hu kɛ ba e ngɔ ɔ, e de mɛ ke: “Ke nɔ ko suɔ kaa e nyɛɛ ye se ɔ, e kua e he nɛ e wo e seumi tso ɔ nɛ e nyɛɛ ye se.

Nɔ́ ko be nɛ nɔmlɔ ma ha kɛ kpɔ e wami. Nɔ tsuaa nɔ nɛ imi kɛ ye munyu ɔmɛ a he peɔ lɛ zo ngɛ yi nɔ bi gba puɛli kɛ yayami peeli nɛ ɔmɛ a kpɛti ɔ, lɛ hu e he maa pee Nɔmlɔ Bi ɔ zo be mi nɛ e maa ba ngɛ e tsɛ nyami ɔ mi kɛ bɔfo klɔuklɔu ɔmɛ ɔ.

Nɛ e bi mɛ ke: “Se nyɛɛ lɛɛ, mɛnɔ nyɛ deɔ ke i ji?” Petro he nɔ nɛ e de lɛ ke: “Mo ji Kristo ɔ nɛ!”