Romnima 6 سے مشہور بائبلی آیات

شئیر

Dama alahichi tumbu yɔri nyɛla kum, amaa Naawuni pini nyɛla nyɛvili din ka bahigu ti Duuma Yisa Masia zuɣu.

Dama alahichi ku lan tooi sun ya yi ni yi fukumsi zaligu sulinsi ni kpe Naawuni daalibarika sulinsi ni la zuɣu.

Dinzuɣu ti baptaizibu deebu zuɣu wuhiya ni ti pahila o zuɣu kpi ka bɛ sɔɣ’ ti, ka di bemi kaman Masia ni daa neei kum ni ti Ba Naawuni jilima yiko zuɣu shɛm la, lala zuɣu ka ti gba yipa mali nyɛvili palli biɛhigu.

Di zaŋya yi niŋgbuna yaɣ’ shɛli ti alahichi tum tuumbiɛri; amaa zaŋmiya yimaŋ’ tila Naawuni kaman ninvuɣ’ shɛb’ bɛn yi kum ni kpe nyɛvili ni, ka zaŋ yi niŋgbuna yaɣili kam ti Naawuni tum wuntia tuma.

Ti mi ni timaŋmaŋ’ biɛr’ kurili daa pahila o zuɣu ka bɛ kpahi ti tabili dapulli zuɣu ni di chɛ ka ti daalahichi biɛr’ kurili maa kpi, ka ti ku lan nyɛ alahichi daba

Yi gba lihimiya yimaŋ’ kaman yi kpimi zaŋ chaŋ alahichi tumbu polo, amaa ka lee mali nyɛvili zaŋ chaŋ Naawuni sani Yisa Masia zuɣu.

Ka dindina wula ka ti lee ni yɛli? Ti kul kpalimmi be alahichi tumbu ni ka di chɛ ka Naawuni daalibarika zooi? Naawuni di wuhi gba! Wula ka tinim’ bɛn kpi zaŋ chaŋ alahichi tumbu polo ŋɔ na kul ni kpalim be di tumbu ni?

Yi bi mi ni yi nyɛla yi ni zaŋ yimaŋ’ ti so n-deer’ o noli daba? Di yi nyɛla alahichi tumbu din tahiri nir’ kum ni bee Naawuni noli deebu din zaŋdi nir’ zaani wuntia zaani, lala n-nyɛ li.

Amaa ti paɣiri Naawuni yinim’ bɛn daa nyɛ alahichi daba la ni doli wuhibu shɛli yi ni daa deei ni yi suhuri zaa la zuɣu. Ka yi ni yi alahichi tumbu dabitim ni la zuɣu chɛ ka yi yipa leela wuntia daba.