Maʼtɛ́as 28 سے مشہور بائبلی آیات

شئیر

Todáan anɛ́ɛ́n a mɔnɔŋ miim, póɛlɛ lɛ́ pɔɔd páán paaʼkan páam, póboósɔgɛn a niiŋ nɛ́ Sɛ, na a nɛ́ Mɔɔ́n, na a nɛ́ Uŋun wó Ufúlúʼtú, poáboyáʼkananɛ tɛn kɛɛlɛ nkə kiim kɛ́ mɛ njɛ́bodɛánɛ. Pəŋi pólɛŋ lɛ́ ndɛ́ɛ́ kɛɛn na pəŋi pɛnɛŋ piim, súʼtə́ə́ a nɛman nɛ́ nsí».

Yə́sus aáság kaáyɛʼtɛnɛ a ɛbá yɔ́ɔ́bɔn, náa ɔnɔ́ na pɔ́lɛ́: «Táán ayɛ́nyɛɛ́ʼkɛn toɛn tuim, a nsí na a mɔɛn.

Náa uŋun ó maʼtom wɔnɔ́ na pagɛ́ɛd póob: «Pɔɔ́n pá ɛ́yaʼ! Podɛʼtámmána aá! Mbálɛŋ lɛ́ Yə́sus nyɔ́ pɛ́ɛ́báŋan a ɔmbásá aa polɛɛ́ əguunə. Əndigi áanɛ, amóndɛg wɔnɔ́ ná yiísə́ə́. Táá kɛnɔ kɛ́ pə́yíngígi kɛlóŋ kiə́ŋ áa kɛ́ɛnɛ.

Náa ɔnɔ́ na pɔ́lɛ́: «Podɛʼtámmána, todáan adɛ́anɛ na paaʼkan páam lɛ́ pɛ́ɛn a Kalilə́ə, kɔ́gɔ́ɔg aa tɛádɛ́ʼtɛganan.»

Puʼkúm pó payaaganɛʼ pɛfɔny na ponnom pó nigúu pááság kaágɔnyɛd. A nɛlon nɛ́ ɛgɔny yɛ́ɛy, páyɛ́ʼkɛn ɛ́fɔlɛ́ ɛ́ mɔɔnɛ́ na pasɔ́njaa, pɔ́nɔ́ na pɔ́lɛ́: «Pəŋi, tɛánɛ́an na pɔɔd lɛ́ paaʼkan pə́ə́ŋ aa pə́míim əgiib kɛlóŋ kiə́ŋ na udúg, pəŋi a ɛnɔ. Ɔmbɔ́ ngɔ́mɛnaʼ yɛ́ nkóʼkóón yoób lɛ́ poyɛ́ɛ a ɛnɔ, pəsi tɛalɛŋ wɔnɔ́ ná tɛágɛɛlɛ lɛ́ adɛɛ́boʼpɔ́nɛ́sɛ.» Pasɔ́njaa pááság kusiəd mɔɔnɛ́ móom, pámɛ́ɛ́lɛ wɔnɔ́ ná páyɛ́bodɛánɛ. Náan aa pɛ́ɛ́sánánɛ kɛbán kɛ́ɛg a nigúu nɛ́ Yúdɛn niim. Kɛ́lɛ əgəə́səə əgín náan na pa nɛ́gɔŋ kɛ́.