2 Wakorint̯o 9 سے مشہور بائبلی آیات

شئیر

Muungu ana uwezo wa kumut̯oseza haḍya zenu zonse na hat̯a zaid̯i, ili kwamba akimamut̯oseza na kula njia, munawa na mojo wa ubalicha wa kuyavya kwa kula kazi iyo nyema.

D̯ubva kula mumodza nayavye dza ahuniyevyo mojoni mwakwe kuyavya. Nakutseewa muntu jwa kuyavya na kudzigija-gija ambu dza kwamba kakusharut̯iswani, koro Muungu katsaka muntu eyenayavya na mojo mumodza.

Nivyokunenani ni hivi: Huyuḍe aimiye kapand̯ulo anavuna hakahako kapand̯ulo, na huyuḍe aimiye kwa winji anavuna kwa winji.

Muungu ndiye eyenapfa muntu jwa kuima hizi mbeju na akamumpa na chakuḍya. D̯ubva jeje anamumpa hizi mbeju zenu zonse za kuhodza, na anazimeza. Na anauhendeza hu ubalicha wenu unamuvyaiya mavuno makuu. Anamuhendeza majabva wa kula namuna, wa kwamba munawa wabalicha kut̯wa. Ndookomu wantu wenji wanamuyaviza Muungu ḍuḍa kwa dzambo ḍya hizi nt̯unu zenu wadzezopfokea kuchiiya na kwehu.

Hunamuyaviza Muungu ḍuḍa kwa hi nt̯unu yakwe ahupfiyeyo, husiyoweza kuipara na vyuuwo.