1 Watesalonike 5 سے مشہور بائبلی آیات

شئیر

Tsekeani nsiku zonse! Yombani kut̯wa! Muyavizeni ḍuḍa Muungu kwa kula ḍidzeḍyohendeka! Koro haya ndiyo ya Muungu eyonatsaka muhende, nywinywi mwiwo hariani mwa Kirist̯o Yesu.

Nyakumuyombani Muungu, eyenahupfa naghea, amudherese muwe wadheru kaḅisa! Jeje namuweke maisha yenu yonse, ya mwii na ruhu, yatseewa na t̯amba zuka ḍiḍeḍyonse, hat̯a nsiku ya Ḅwana jwehu Yesu Kirist̯o adzepfouja mweedha wa pfii. Na kwa dzambo huyu Muungu amuhaniye nywinywi ni muhikizika, jeje anavit̯imiza.

Manyani muntu atsemuipfa halo mwenziwe kwa zuka amuhendeeḍyo. Nywinywi kut̯wa, ḍemani muno kuhendeana mema nywinywi na nywinywi na kuwahendea mema wantu wangine wonse.

D̯ubva, ngizanani mojo na kumbakana na hivi hivi vyuuwo dza mwivyokuhendani.

Wandugu, hwakumuyombani muno muwakanye hawaḍe weonadzikaiya ḅasi, wasiotsaka kuhenda kazi. Wangizeni mojo hawaḍe wafwiyeo mojo, na muwagijiije hawaḍe wasiodzangora faro zao. Na pia wani wampowe kwa wantu wonse.

Koro Muungu nkakuhutsana swiswi ahuadhiḅu, ela kahutsana ahupfonye kuchiiya na kwa Ḅwana jwehu Yesu *Kirist̯o.

Koro nyonse mu wantu mwiwokuishini muyangani. Ntahukwaa wantu wa kuishi maisha ya kiza.